ຕາມສື່ມວນຊົນ ອັງກິດ ແລະ ຝລັ່ງ ແລ້ວ, ໃນຂອບເຂດການຢ້ຽມຢາມທາງລັດຖະກິດ ລາຊະອານາຈັກ ອັງກິດ ຂອງທ່ານປະທານາທິບໍດີ ຝລັ່ງ Emmanuel Macron ແຕ່ວັນທີ 08 – 10 ກໍລະກົດ, 2 ປະເທດບັນລຸໄດ້ຂໍ້ຕົກລົງສຳຄັນຫຼາຍສະບັບ.

leftcenterrightdel
ທ່ານປະທານາທິບໍດີ ຝລັ່ງ Emmanuel Macron ແລະທ່ານນາຍົກລັດຖະມົນຕີ ອັງກິດ Keir Starmer. ພາບ: ສໍານັກຂ່າວສານຫວຽດນາມ

ກ່າວຄຳເຫັນທີ່ກອງປະຊຸມຖະແຫຼງຂ່າວຮ່ວມກັບທ່ານປະທານາທິບໍດີ ຝລັ່ງ Emmanuel Macron ໃນວັນທີ 10 ກໍລະກົດ, ຢູ່ Northwood (ຝລັ່ງ), ທ່ານນາຍົກລັດຖະມົນຕີ ອັງກິດ Keir Starmer ໃຫ້ຮູ້ວ່າ ອັງກິດ ແລະຝລັ່ງ ໄດ້ລົງນາມຖະແຫຼງການ Northwood, ເປັນຄັ້ງທຳອິດທີ່ຢັ້ງຢືນເລື່ອງສົມທົບຄວາມສາມາດນາບຂູ່ອາວຸດນິວເຄຼຍເອກະລາດຂອງ 2 ປະເທດ. ຕາມທ່ານນາຍົກລັດຖະມົນຕີ ອັງກິດ ແລ້ວ, ລອນດອນ ແລະ ປາຣີ ກໍ່ບັນລຸໄດ້ຂໍ້ຕົກລົງກ່ຽວກັບໂຄງການທົດລອງທີ່ “ມີລັກສະນະກະໂດດຂັ້ນ” ເພື່ອສົ່ງຊາວອົບພະຍົບຜ່ານຊ່ອງແຄບທະເລ Manche ໄປ ອັງກິດດ້ວຍເຮືອນ້ອຍ.

ກ່ຽວກັບບັນຫາ ຢູແກຼນ, ອັງກິດ ແຈ້ງໃຫ້ຊາບວ່າ ປາຣີ ຈະຕັ້ງສຳນັກງານໃໝ່ຂອງ “ພັນທະມິດອາສາສະໝັກ” ແນໃສ່ໜູນຊ່ວຍ ຢູແກຼນ ໃນກໍລະນີບັນລຸໄດ້ຂໍ້ຕົກລົງຢຸດຍິງ.

ແຫຼ່ງຄັດຈາກ: vovworld.vn