ບຸນກາຣີ ຜ່ານຜ່າຮົ້ວກີດຂວາງສຸດທ້າຍໃຫ້ແກ່ການເຂົ້າຮ່ວມເຂດນຳໃຊ້ສະກຸນເງິນລວມ ເອີຣົບ
ທ່ານ Valdis Dombrovskis ກຳມະການຮັບຜິດຊອບດ້ານເສດຖະກິດຂອງ EU ໄດ້ເນັ້ນໜັກວ່າ ການເຂົ້າຮ່ວມ Eurozone ເພື່ອແນໃສ່ສ້າງອະນາຄົດທີ່ວັດທະນາຖາວອນກວ່າໃຫ້ແກ່ ບຸນກາຣີ, ໄດ້ເປີດບັນດາກາລະໂອກາດຮ່ວມມືລົງທຶນ, ສ້າງວຽກເຮັດງານທຳ ແລະການເຕີບໂຕເສດຖະກິດໃຫ້ແກ່ບັນດາປະເທດ ເອີຣົບ ຕາເວັນອອກນີ້.
    |
 |
|
ສະກຸນເງິນເອີໂຣ ແລະ ທຸງຊາດ ບຸນກາຣີ. ພາບ: euractiv.com |
ວັນທີ 8 ກໍລະກົດ, ລັດຖະມົນຕີການເງິນບັນດາປະເທດສະມາຊິກ ສະຫະພາບເອີຣົບ (EU) ໄດ້ “ເປີດໄຟຂຽວ” ເພື່ອໃຫ້ ບຸນກາຣີ ນຳໃຊ້ສະກຸນເງິນ ເອີໂຣ ຢ່າງເປັນທາງການແຕ່ວັນທີ 1 ມັງກອນ 2026 ເປັນຕົ້ນໄປ. ເຫດການນີ້ໄດ້ສ້າງຂີດໝາຍບາດກ້າວສຸດທ້າຍ ເພື່ອໃຫ້ ບຸນກາຣີ ກາຍເປັນສະມາຊິກທີ 21 ຂອງເຂດນຳໃຊ້ສະກຸນເງິນລວມ ເອີຣົບ (Eurozone).
ການຕົກລົງຄັ້ງປະຫວັດສາດນີ້ໄດ້ຮັບປະຕິກິລິຍາອັນຕັ້ງໜ້າຈາກບັນດາການນຳຂອງ ບຸນກາຣີ.
ເມື່ອກ່າວຄຳເຫັນໃຫ້ສັດຕະຍາບັນຂໍ້ຕົກລົງເປີດທາງໃຫ້ ບຸນກາຣີ ເຂົ້າຮ່ວມ Eurozone, ທ່ານ Valdis Dombrovskis ກຳມະການຮັບຜິດຊອບດ້ານເສດຖະກິດຂອງ EU ໄດ້ເນັ້ນໜັກວ່າ ການເຂົ້າຮ່ວມ Eurozone ເພື່ອແນໃສ່ສ້າງອະນາຄົດທີ່ວັດທະນາຖາວອນກວ່າໃຫ້ແກ່ ບຸນກາຣີ, ໄດ້ເປີດບັນດາກາລະໂອກາດຮ່ວມມືລົງທຶນ, ສ້າງວຽກເຮັດງານທຳ ແລະການເຕີບໂຕເສດຖະກິດໃຫ້ແກ່ບັນດາປະເທດ ເອີຣົບ ຕາເວັນອອກນີ້.
ແຫຼ່ງຄັດຈາກ: vovworld.vn