ອາ​ເມ​ລິ​ກາ ແລະ ອາ​ຣັບ​ບີ ຊະ​ອຸ​ດິ ໄດ້​ລົງ​ນາມ​ໃນ​ຂໍ້​ຕົກ​ລົງ “ປະ​ຫວັດ​ສາດ” ທີ່​ມີ​ມູນ​ຄ່າ 142 ຕື້ໂດລາສະຫະລັດ

ທ່ານປະທານາທິບໍດີ ອາເມລິກາ Donald Trump ແລະ ເຈົ້າຊາຍ Mohammed Bin Salman ໃນການພົບປະ. ພາບ: ສໍານັກຂ່າວສານຫວຽດນາມ

ວັນທີ 13 ພຶດສະພາ, ທ່ານປະທານາທິບໍດີ ອາເມລິກາ Donald Trump ໄດ້ເດີນທາງໄປຮອດ Riyadh, ອາຣັບບີ ຊະອຸດິ, ເຊິ່ງເປັນປະເທດທຳອິດໃນການຢ້ຽມຢາມ 3 ປະເທດເຂດອ່າວ ເປີເຊີຍ ລວມມີ: ອາຣັບບີ ຊະອຸດິ, ກາຕາ ແລະ ສະຫະລັດ ອາຣັບ ເອມມີເລດ (UAE) ພາຍໃນ 04 ມື້ (ແຕ່ວັນທີ 13 – 16 ພຶດສະພາ). ຕິດຕາມທ່ານປະທານາທິບໍດີ ອາເມລິກາ ໃນການຢ້ຽມຢາມຄັ້ງນີ້ມີການນຳຫຼາຍວິສາຫະກິດແຖວໜ້າຂອງ ອາເມລິກາ, ໃນນັ້ນ ມີເສດຖີເງິນຕື້ ເຕັກໂນໂລຢີ ທ່ານ Elon Musk.

ພາຍຫຼັງໄປຮອດ Riyadh, ທ່ານປະທານາທິບໍດີ ອາເມລິກາ Donald Trump ແລະ ເຈົ້າຊາຍ Mohammed Bin Salman ໄດ້ລົງນາມໃນສັນຍາການພົວພັນຄູ່ຮ່ວມມືດ້ານເສດຖະກິດຍຸດທະສາດລະຫວ່າງ ອາເມລິກາ ອາຣັບບີ ຊະອຸດິ. ສັນຍາສະບັບດັ່ງກ່າວລວມມີບັນດາບົດບັນທຶກຊ່ວຍຈຳ (MoU) ແລະຂໍ້ຕົກລົງຮ່ວມມືໃນບັນດາຂົງເຂດພະລັງງານ, ບໍ່ແຮ່ ແລະ ການປ້ອງກັນຊາດ, ໃນນັ້ນມີຂໍ້ຕົກລົງຮ່ວມມືໃນບັນດາຂົງເຂດປ້ອງກັນຊາດທີ່ມີມູນຄ່າກວ່າ 142 ຕື້ ໂດລາສະຫະລັດ ໂດຍສຸມໃສ່ການຫັນກຳລັງຄວາມສາມາດຂອງບັນດາກຳລັງປະກອບອາວຸດ ອາຣັບບີ ຊະອຸດິ ເປັນທັນສະໄໝ.

ແຫຼ່ງຄັດຈາກ: vovworld.vn