ການປະທະກັນ ຮາມາດສ-ອິດສະລາແອັນ: ບໍ່ມີຄວາມຄືບໜ້າໃໝ່ໃນການເຈລະຈາຂໍ້ຕົກລົງຢຸດຍິງ
ວັນທີ 29 ມິຖຸນາ, ທ່ານ Osama Hamdan ເຈົ້າໜ້າທີ່ຂັ້ນສູງຂອງຂະບວນການຮາມາດສ, ໃຫ້ຮູ້ວ່າ ບັນດາການເຈລະຈາກ່ຽວກັບຂໍ້ຕົກລົງຢຸດຍິງກັບ ອິດສະລາແອັນ ແລະການປ່ອຍຕົວປະກັນບໍ່ບັນລຸໄດ້ຄວາມຄືບໜ້າໃດ.
    |
 |
|
ການບຸກໂຈມຕີຂອງອິດສະລາແອັນ ຢູ່ເຂດກາຊາ. ພາບ: ສໍານັກຂ່າວສານຫວຽດນາມ |
ກ່າວຄຳເຫັນຕໍ່ການຖະແຫຼງຂ່າວຢູ່ນະຄອນຫຼວງ Beirut, ລີບັງ, ທ່ານ Osama Hamdan ໄດ້ຢັ້ງຢືນວ່າ ຮາມາດສ ໄດ້ຮັບຂໍ້ສະເໜີໃໝ່ສຸດໃນວັນທີ 24 ມິຖຸນາ, ແຕ່ເນື້ອໃນບໍ່ມີຫຍັງໃໝ່ ແລະມາຮອດປັດຈຸບັນກໍ່ຍັງບໍ່ມີຄວາມຄືບໜ້າໃໝ່ໃນບັນດາການເຈລະຈາກ່ຽວກັບຂໍ້ຕົກລົງຢຸດຍິງລະຫວ່າງສອງຝ່າຍ.
ແລະກໍ່ວັນດຽວກກັນ, ທ່ານ Ismail Haniyeh ເຈົ້າໜ້າທີ່ຂັ້ນສູງຂອງ ຮາມາດສ, ໄດ້ປຶກສາຫາລືກັບທ່ານ Abbas Kamel ການນຳອົງການສືບລາຊະການລັບຂອງ ເອຢິບ ກ່ຽວກັບວິວັດການເຈລະຈາເພື່ອແນໃສ່ບັນລຸໄດ້ຄຳສັ່ງຢຸດຍິງຢູ່ເຂດກາຊາ.
ໃນຂະນະນັ້ນ, ບັນດາເຫດລະເບີດ, ບຸກໂຈມຕີທາງອາກາດ ແລະການປະທະກັນຍັງເກີດຂຶ້ນຢູ່ທາງທິດເໜືອເຂດກາຊາ ໃນວັນທີ 30 ມິຖຸນາ ເຊິ່ງແມ່ນວັນທີ 3 ທີ່ຕໍ່ເນື່ອງຂອງບັ້ນການທະຫານໃໝ່ຂອງອິດສະລາແອັນ.
ແຫຼ່ງຄັດຈາກ: vovworld.vn