ຫຼາຍກິດຈະກຳສະເຫຼີມສະຫຼອງວັນຄູແຫ່ງຊາດຫວຽດນາມ 20-11
ກປ.ອອນໄລ - ເນື່ອງໃນໂອກາດສະເຫຼີມສະຫຼອງວັນຄູແຫ່ງຊາດຫວຽດນາມ (20-11), ຕອນບ່າຍວັນທີ 19 ພະຈິກ, ທ່ານພົນໂທ ຫງວຽນເຕິນເກືອງ ຫົວໜ້າກົມໃຫຍ່ເສນາທິການ, ຮອງລັດຖະມົນຕີກະຊວງປ້ອງກັນປະເທດ ໄດ້ໄປຢ້ຽມຢາມ ແລະອວຍພອນພະນັກງານ, ຄູອາຈານຂອງວິທະຍາຄານປ້ອງກັນຊາດ.
    |
 |
|
ພົນໂທ ຫງວຽນເຕິນເກືອງ ຫົວໜ້າກົມໃຫຍ່ເສນາທິການ, ຮອງລັດຖະມົນຕີກະຊວງປ້ອງກັນປະເທດ ມອບດອກໄມ້ອວຍພອນພະນັກງານ, ຄູອາຈານຂອງວິທະຍາຄານປ້ອງກັນຊາດ. ພາບ: qdnd.vn |
ຢູ່ທີ່ນີ້, ທ່ານພົນໂທ ຫງວຽນເຕິນເກືອງ ໄດ້ສົ່ງພອນໄຊອັນປະເສີດທີ່ສຸດມາຍັງຄູອາຈານຣຸ່ນຕ່າງຂອງວິທະຍາຄານ; ຍ້ອງຍໍ ແລະຕີລາຄາສູງຄວາມມານະພະຍາຍາມຂອງພະນັກງານ, ຄູອາຈານ, ນັກສໍາມະນາກອນ, ພາລະກອນ ແລະນັກຮົບທົ່ວວິທະຍາຄານ.
ທ່ານພົນໂທ ຫງວຽນເຕິນເກືອງ ສະເໜີໃຫ້ວິທະຍາຄານປ້ອງກັນຊາດ ສືບຕໍ່ຊາບຊຶມ ແລະປະຕິບັດຍຸດທະສາດດ້ານການສຶກສາ-ກໍ່ສ້າງຢ່າງມີປະສິດທິຜົນ, ປະຕິບັດສໍາເລັດໜ້າທີ່ຂອງຕົນເປັນຢ່າງດີ; ເອົາໃຈໃສ່ປ່ຽນແປງໃໝ່ເນື້ອໃນ, ລາຍການກໍ່ສ້າງ...
ກໍ່ໃນວັນດຽວກັນ, ວິທະຍາຄານປ້ອງກັນຊາດໄດ້ຈັດຕັ້ງການພົບປະສະເຫຼີມສະຫຼອງວັນຄູແຫ່ງຊາດຫວຽດນາມ (20-11) ແລະປຸກລະດົມການແຂ່ງຂັນເພື່ອສະເຫຼີມສະຫຼອງ 45 ປີແຫ່ງວັນມູນເຊື້ອວິທະຍາຄານ.
ຕອນບ່າຍວັນທີ 19 ພະຈິກ, ວິທະຍາຄານການເມືອງ, ວິທະຍາຄານທະຫານເຮືອ ກໍ່ໄດ້ຈັດຕັ້ງການພົບປະສະເຫຼີມສະຫຼອງວັນຄູແຫ່ງຊາດຫວຽດນາມ.
ໂດຍ: ທະນາພອນ