ພິທີຕ້ອນຮັບທ່ານ ຟ້າມມິງຈິງ ນາຍົກລັດຖະມົນຕີ ໄດ້ຈັດຕ້ັງຢ່າງສົມກຽດຢູ່ສະໜາມບິນສາກົນ, ນໍາໂດຍທ່ານ Rudenko Andrey ຮອງລັດຖະມົນຕີກະຊວງການຕ່າງປະເທດ ເປັນປະທານພິທີ.

leftcenterrightdel
 

leftcenterrightdel
ພິທີຕ້ອນຮັບທ່ານ ຟ້າມມິງຈິງ ນາຍົກລັດຖະມົນຕີ ຢ້ຽມຢາມ ສະຫະພັນລັດເຊຍ ຢ່າງເປັນທາງການໄດ້ຈັດຕ້ັງຢ່າງສົມກຽດຢູ່ສະໜາມບິນສາກົນ Vnukovo 2, ໂດຍທ່ານ Rudenko Andrey ຮອງລັດຖະມົນຕີກະຊວງການຕ່າງປະເທດສະຫະພັນລັດເຊຍ ເປັນປະທານພິທີ. ພາບ: ສໍານັກຂ່າວສານຫວຽດນາມ

ຂໍ່ານັບຮັບຕ້ອນທ່ານ ຟ້າມມິງຈິງ ນາຍົກລັດຖະມົນຕີ ແລະຄະນະຜູ້ແທນຂັ້ນສູງຫວຽດນາມ ຢ້ຽມຢາມສະຫະພັນລັດເຊຍ ຢ່າງເປັນທາງການ, ຮອງລັດຖະມົນຕີກະຊວງການຕ່າງປະເທດ ສະແດງຄວາມເຊື່ອໝັ້ນວ່າ ການຢ້ຽມຢາມຈະປະສົບຜົນສໍາເລັດຢ່າງຈົບງາມ, ປະກອບສ່ວນຊຸກຍູ້ການພົວພັນມິດຕະພາບລະຫວ່າງສອງປະເທດພັດທະນາຢ່າງແຂງແຮງກວ່າໃນໄລຍະຈະມາເຖິງ.

ການພົວພັນດ້ານການເມືອງຫວຽດນາມ-ສະຫະພັນລັດເຊຍ ມີຄວາມໄວ້ເນື້ອເຊື່ອໃຈສູງ ແລະໄດ້ປັບປຸງຢ່າງບໍ່ຢຸດຢັ້ງ. ການແລກປ່ຽນຄະນະຜູ້ແທນຂັ້ນສູງລະຫວ່າງສອງປະເທດໄດ້ດໍາເນີນຢ່າງເປັນປະຈໍາ, ສ້າງກໍາລັງຂັບເຄື່ອນຢ່າງແຂງແຮງໃຫ້ການພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດ. ປີ 2025, ຫວຽດນາມ ແລະສະຫະພັນລັດເຊຍ ສະເຫຼີມສະຫຼອງ 75 ປີແຫ່ງວັນສ້າງຕັ້ງການພົວພົນການຕ່າງປະເທດດ້ວຍການເຄື່ອນໄຫວຕັ້ງໜ້າ, ແທດຈິງຫຼາຍຢ່າງ, ໃນນັ້ນມີການຮັບຮອງເອົາຖະແຫຼງການຮ່ວມວ່າດ້ວຍການກໍານົດທິດໃຫຍ່ຂອງການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ສະຫະພັນລັດເຊຍ ໃນໄລຍະການຮ່ວມມືໃໝ່, ເນື່ອງໃນໂອກາດທ່ານ ໂຕເລິມ ເລຂາທິການໃຫຍ່ ຢ້ຽມຢາມ ສະຫະພັນລັດເຊຍ ຢ່າງເປັນທາງການ ແລະເຂົ້າຮ່ວມພິທີສວນສະໜາມສະເຫຼີມສະຫຼອງ 80 ປີແຫ່ງວັນໄຊຊະນະໃນການສົງຄາມປົກປັກຮັກສາປະເທດຊາດອັນຍິ່ງໃຫຍ່.

ການຢ້ຽມຢາມ ສະຫະພັນລັດເຊຍ ຢ່າງເປັນທາງການຂອງທ່ານ ຟ້າມມິງຈິງ ນາຍົກລັດຖະມົນຕີ ແມ່ນບາດກ້າວຫັນຖະແຫຼງການຮ່ວມ ແລະແນວທາງການທູດເອກະລາດ, ເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ສັນຕິພາບ, ມິດຕະພາບ, ການຮ່ວມມື ແລະພັດທະນາເປັນລະອຽດ, ຫັນເປັນຫຼາຍຝ່າຍ, ຫຼາຍຮູບຫຼາຍແບບຂອງຫວຽດນາມ ໄດ້ຍົກອອກຢ່າງຈະແຈ້ງຢູ່ມະຕິກອງປະຊຸມໃຫຍ່ ຄັ້ງທີ XIV ຂອງພັກ...

ໂດຍ: ໄຊນີດາ