ວາລະສານໄອຍະການ ໂອ້ລົມສົນທະນາກັບຫ້ອງການອົງການໄອຍະການປະຊາຊົນສູງສຸດລາວ
ກປ.ອອນໄລ - ຕອນເຊົ້າວັນທີ 22 ພຶດສະພາ, ຢູ່ສໍານັກງານອົງການໄອຍະການປະຊາຊົນສູງສຸດ, ວາລະສານໄອຍະການ, ອົງການໄອຍະການປະຊາຊົນສູງສຸດຫວຽດນາມ ໄດ້ມີການໂອ້ລົມສົນທະນາກັບຫ້ອງການອົງການໄອຍະການປະຊາຊົນສູງສຸດລາວ ໂດຍທ່ານ ບຸນທ່ຽງ ວິໄລວົງ, ຮັກສາການຫົວໜ້າຫ້ອງການອົງການໄອຍະການປະຊາຊົນສູງສຸດລາວ ເປັນຫົວໜ້າຄະນະ, ເນື່ອງໃນໂອກາດທີ່ຄະນະມາຢ້ຽມຢາມ ແລະເຮັດວຽກຢູ່ຫວຽດນາມ.
ການໂອ້ລົມສົນທະນາແນໃສ່ແລກປ່ຽນບົດຮຽນໃນການກໍ່ສ້າງ ແລະພັດທະນາວາລະສານໄອຍະການລະຫວ່າງອົງການໄອຍະການປະຊາຊົນສູງສຸດສອງປະເທດຫວຽດນາມ-ລາວ. ນີ້ແມ່ນໜຶ່ງໃນບັນດາການເຄື່ອນໄຫວຂອງຄະນະຜູ້ແທນອົງການໄອຍະການປະຊາຊົນສູງສຸດລາວ ໃນການປະຕິບັດງານຢູ່ຫວຽດນາມ ໃນລະຫວ່າງວັນທີ 20-24 ພຶດສະພາ.
ເຂົ້າຮ່ວມ ແລະເປັນປະທານການໂອ້ລົມສົນທະນາມີທ່ານ ຫງວຽນດຶ໊ກແຮ້ງ ຫົວໜ້າບັນນາທິການວາລະສານໄອຍະການ ແລະທ່ານ ບຸນທ່ຽງ ວິໄລວົງ ຮັກສາການຫົວໜ້າຫ້ອງການອົງການໄອຍະການປະຊາຊົນສູງສຸດລາວ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/23/upload_2122/23052024_th_05.jpg?dpi=150&quality=100&w=500) |
ບັນຍາກາດທີ່ການໂອ້ລົມສົນທະນາ. ພາບ: baovephapluat.vn |
ທີ່ການໂອ້ລົມສົນທະນາ, ວາລະສານໄອຍະການໄດ້ສະເໜີປະຫວັດຄວາມເປັນມາ, ໂຄງປະກອບການຈັດຕັ້ງກົງຈັກ, ພາລະບົດບາດ, ໜ້າທີ່ຂອງວາລະສານໄອຍະການປະຊາຊົນສູງສຸດ. ຕາມນັ້ນແລ້ວ, ວາລະສານໄອຍະການແມ່ນອົງການສື່ມວນຊົນຂອງຂະແໜງໄອຍະການປະຊາຊົນ, ແມ່ນກົມກອງພາລະກິດຂອງລັດຂຶ້ນກັບອົງການໄອຍະການປະຊາຊົນສູງສຸດ.
ຝ່າຍອົງການໄອຍະການປະຊາຊົນສູງສຸດລາວ ກໍ່ໄດ້ແນະນໍາໂດຍສັງເຂບກ່ຽວກັບໜ້າທີ່, ອຳນາດ ແລະໂຄງຮ່າງການຈັດຕັ້ງຂອງວາລະສານໄອຍະການປະຊາຊົນສູງສຸດລາວ.
ສອງຝ່າຍກໍ່ໄດ້ແຈ້ງໃຫ້ກັນຊາບ, ແລກປ່ຽນຫຼາຍເນື້ອໃນ, ບົດຮຽນໃນການກໍ່ສ້າງ ແລະພັດທະນາວາລະສານກ່ຽວກັບໂຄງຮ່າງການຈັດຕັ້ງ, ຄຸ້ມຄອງ, ບໍລິຫານ; ຖັນແຖວບຸກຄະລາກອນ, ບໍລິຫານ, ບັນນາທິການ, ການນໍາໃຊ້ເຕັກໂນໂລຢີຂໍ້ມູນຂ່າວສານ, ເນື້ອໃນກ່ຽວກັບຂະແໜງໄອຍະການໃນສື່ສິ່ງພິມວາລະສານ; ແລກປ່ຽນກ່ຽວກັບຄວາມສະດວກ, ຄວາມຫຍຸ້ງຍາກໃນວຽກງານໂຄສະນາສື່ສານກໍ່ຄືທິດທາງພັດທະນາວາລະສານໃນອະນາຄົດ...
ໂດຍ: ເຈິ່ນຮວ່ຽນ