ທ່ານພົນເອກ ຟານວັນຢາງ ພ້ອມດ້ວຍຄະນະຜູ້ແທນຫວຽດນາມ ເຂົ້າຮ່ວມງານພົບປະແລກປ່ຽນ ຢູ່ ຈີນ

ໃນມື້ນີ້10:57

ກປ.ອອນໄລ - ໂດຍສືບຕໍ່ກິດຈະກໍາເຄື່ອນໄຫວໃນຂອບເຂດງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ຈີນ ຄັ້ງທີ 10, ຕອນເຊົ້າວັນທີ 19 ມີນາ, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດ ໄດ້ນໍາໜ້າຄະນະຜູ້ແທນຫວຽດນາມ ເຂົ້າຮ່ວມບັນດາການເຄື່ອນໄຫວພົບປະແລກປ່ຽນ ຢູ່ ສປ ຈີນ.

ຊຸກຍູ້ນໍ້າໃຈມິດຕະພາບ, ຄວາມສາມັກຄີ ແລະການຮ່ວມມືລະຫວ່າງສອງປະເທດບ້ານໃກ້ເຮືອນຄຽງ

ທ່ານພົນເອກ ຟານວັນຢາງ ແລະທ່ານພົນໂທ Dong Jun ຢ້ຽມຢາມໂຮງຮຽນມັດທະຍົມຕອນປາຍ ເຈິ່ນຝູ

ການພົບປະແລກປ່ຽນແຜ່ຂະຫຍາຍຈິດໃຈມິດຕະພາບ, ນໍາການພົວພັນສອງປະເທດພັດທະນາຢ່າງກະໂດດຂັ້ນ

ທ່ານພົນໂທ ຫງວຽນເຈື່ອງຖັງ ເປັນປະທານພິທີສົ່ງທ່ານພົນໂທ Dongjun

ພິທີສົ່ງທ່ານພົນເອກ ຟານວັນຢາງ ພ້ອມດ້ວຍຄະນະ ຖືກຈັດຂຶ້ນຢູ່ດ່ານທະຫານຊາຍແດນ ບັກລວນ 2, ແຂວງ ກວາງນິງ.

ຄາດວ່າຕາມລາຍການແລ້ວ, ຢູ່ຈີນ, ທ່ານພົນເອກ ຟານວັນຢາງ ຈະພ້ອມກັບທ່ານພົນໂທ ຕົງ ຈຸ່ນ ເຂົ້າຮ່ວມກິດຈະກຳຕ່າງໆ ຄື: ຢ້ຽມຢາມກອງຮ້ອຍທະຫານຊາຍແດນ ແລະປູກຕົ້ນໄມ້ມິດຕະພາບທີ່ກອງຮ້ອຍທະຫານຊາຍແດນ; ພິທີເດີນທາງລາດຕະເວນ, ການຝຶກແອບຮ່ວມຢູ່ເຂດອ່າວພາກເໜືອ; ຢ້ຽມຊົມສີລາຈາລຶກ ແລະຝາວາງສະແດງເນື້ອໃນທີ່ກ່ຽວຂ້ອງເຖິງຈຸດເລີ່ມຕົ້ນຂອງເສັ້ນທາງໂຮ່ຈີມິນ ຢູ່ທະເລ; ຢ້ຽມຢາມວິສາຫະກິດຢູ່ທ້ອງຖິ່ນ; ວາງພວງມາລາອາໄລຫານັກຮົບເສຍສະຫຼະຊີວິດເພື່ອຊາດ ປະຕິວັດປະຊາຊົນຫວຽດນາມ-ຈີນ; ພິທີສົ່ງຄະນະຜູ້ແທນຫວຽດນາມ ຢູ່ດ່ານສາກົນ Dongxing.