ກ່າວຄຳເຫັນທີ່ພິທີຕ້ອນຮັບ ແລະການພົບປະລະຫວ່າງຜູ້ບັນຊາການກອງກຳປັ່ນທະຫານເຮືອສອງປະເທດ, ທ່ານພັນເອກ Han Feng, ຮອງຫົວໜ້າເສນາທິການຖານທີ່ໝັ້ນ Guangzhou, ທະຫານເຮືອຈີນ ຂໍ່ານັບຮັບຕ້ອນຄະນະປະຕິບັດງານພ້ອມກັບກອງກຳປັ່ນ 015, 012 ໄດ້ມາຢ້ຽມຢາມນະຄອນ Fangchenggang ແລະເຂົ້າຮ່ວມບັນດາການເຄື່ອນໄຫວໃນຂອບເຂດງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ຈີນ ຄັ້ງທີ 10; ຫວັງວ່າການຢ້ຽມຢາມຈະສ້າງອາລົມຈິດອັນດີງາມ ແລະຄວາມປະທັບໃຈອັນເລິກເຊິ່ງກັບນາຍທະຫານ, ລູກເຮືອຂອງທະຫານເຮືອສອງປະເທດ.

leftcenterrightdel
ການນຳຖານທີ່ໝັ້ນ Guangzhou ພ້ອມດ້ວຍນາຍທະຫານ, ລູກເຮືອທະຫານເຮືອຈີນ ແລະຜູ້ແທນຕ້ອນຮັບຄະນະປະຕິບັດງານຢູ່ ທ່າກໍາປັ່ນ.

ທ່ານພັນເອກພິເສດ ໂດ໋ມີງ, ຮອງຜູ້ບັນຊາການທະຫານເຮືອເຂດ 4, ຫົວໜ້າຄະນະປະຕິບັດງານ ໄດ້ຂອບໃຈທະຫານເຮືອຈີນທີ່ໄດ້ສະຫງວນໃຫ້ຄະນະການຕ້ອນຮັບຢ່າງລອບຄອບ; ເຊື່ອໝັ້ນວ່າ ດ້ວຍຄວາມມານະພະຍາຍາມລວມຂອງສອງຝ່າຍ, ບັນດາການເຄື່ອນໄຫວໃນຂອບເຂດການເດີນທາງຄັ້ງນີ້ຂອງກອງກຳປັ່ນ 015, 012 ຈະປະສົບຜົນສຳເລັດຢ່າງຈົບງາມ, ປະກອບສ່ວນເພີ່ມທະວີການພົວພັນຮ່ວມມືມິດຕະພາບ, ຄວາມເຂົ້າໃຈ, ຄວາມໄວ້ເນື້ອເຊື່ອໃຈລະຫວ່າງທະຫານເຮືອສອງປະເທດເວົ້າສະເພາະ ແລະກອງທັບສອງປະເທດເວົ້າລວມກວ່າອີກ.

leftcenterrightdel
ສອງຝ່າຍຖ່າຍຮູບຮ່ວມ ຢູ່ທ່າກໍາປັ່ນ Fang Cheng.
leftcenterrightdel
ກອງກຳປັ່ນ 015, 012 ຂອງທະຫານເຮືອປະຊາຊົນຫວຽດນາມ ຢູ່ທ່າກໍາປັ່ນ Fang Cheng.

ໃນໄລຍະກອງກຳປັ່ນ 015, 012 ຈອດຢູ່ທ່າກໍາປັ່ນ Fang Cheng, ນາຍທະຫານ, ລູກເຮືອທະຫານເຮືອສອງປະເທດຈະໄປຢ້ຽມຢາມກໍາປັ່ນຂອງກັນ ແລະແລກປ່ຽນ, ຖອດຖອນບົດຮຽນ, ພົບປະແລກປ່ຽນວັດທະນະທໍາ; ປະຊຸມເຫັນດີເປັນເອກະພາບແຜນການລາດຕະເວນປະສົມ ແລະການຝຶກແອບປະສົມ. ພິເສດ, ໃນຂອບເຂດງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ຈີນ ຄັ້ງທີ 10, ລັດຖະມົນຕີກະຊວງປ້ອງກັນປະເທດສອງປະເທດ ຈະມີໜ້າຢູ່ທ່າກໍາປັ່ນ Fang Cheng ໂດຍກົງ ເພື່ອຮັບຟັງຜູ້ບັນຊາການສອງກອງກຳປັ່ນລາຍງານກ່ຽວກັບວຽກງານກະກຽມ ແລະຂໍຄໍາສັ່ງອອກຈາກທ່າກໍາປັ່ນໄປປະຕິບັດໜ້າທີ່ລາດຕະເວນປະສົມ, ການຝຶກແອບປະສົມຢູ່ເຂດທະເລອ່າວພາກເໜືອ.

ໂດຍ: ເຈິ່ນຮວ່ຽນ