ກ່າວຄໍາເຫັນມອບໜ້າທີ່, ທ່ານພັນເອກພິເສດ ຫວໍເຕິນຕ່າຍ, ຫົວໜ້າການເມືອງກອງບັນຊາການທະຫານແຂວງກວາງຫງ້າຍ, ຮອງຫົວໜ້າຜູ້ປະຈຳການຄະນະຊີ້ນຳ 515, ໄດ້ຢືນຢັນວ່າ ວຽກງານຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ ແມ່ນໜ້າທີ່ຫຍຸ້ງຍາກເປັນພິເສດ, ແຕ່ກໍ່ແມ່ນຄວາມເປັນກຽດອັນສູງສົ່ງ.

leftcenterrightdel
ທ່ານພັນເອກພິເສດ ເຈີ່ນມິງຈ້ອງ, ຮອງຫົວໜ້າການເມືອງ ທະຫານເຂດ 5, ຫົວໜ້າຄະນະຊີ້ນຳ 515 ທະຫານເຂດ 5 ລະດົມກຳລັງໃຈກຳລັງປະຕິບັດໜ້າທີ່. ພາບ: qdnd.vn

ທ່ານພັນເອກພິເສດ ຫວໍເຕິນຕ່າຍ ໄດ້ຮຽກຮ້ອງໃຫ້ພະນັກງານ, ນັກຮົບ ກອງທ້ອນໂຮມ K53 ຍົກສູງຄວາມຮັບຜິດຊອບ, ເຈດຈໍານົງຕັດສິນໃຈ ແລະຄວາມສາມັກຄີເປັນເອກະພາບສູງ; ປະຕິບັດຕາມກົດໝາຍຂອງຫວຽດນາມ - ລາວ - ກໍາປູເຈຍ ຢ່າງເຂັ້ມງວດ; ເປັນເຈົ້າການສົມທົບກັບບັນດາອົງການທີ່ກ່ຽວຂ້ອງ, ຍາດແຍ່ງການຊ່ວຍເຫຼືອຂອງອໍານາດການປົກຄອງ, ປະຊາຊົນຂອງປະເທດເພື່ອນ, ເສີມຂະຫຍາຍຈິດໃຈຫົວຄິດປະດິດສ້າງ, ມີຄວາມໄຫວພິບໃນວຽກງານຂົນຂວາຍປະຊາຊົນ, ການທູດ, ເກັບກຳຂໍ້ມູນທີ່ຊັນເຈນ, ຍົກສູງປະສິດທິຜົນຂອງການທ້ອນໂຮມ.

ໃນລະດູແລ້ງປີ 2024-2025, ກອງທ້ອນໂຮມ K53 ໄດ້ດໍາເນີນການສໍາຫຼວດບໍລິເວນໃນ 3 ແຂວງພາກໃຕ້ຂອງລາວ ແລະ 6 ເມືອງຂອງແຂວງ Ratanakiri (ກຳປູເຈຍ), ໂດຍທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ ໄດ້ 26 ອັດຖິ.

ເນື່ອງໃນໂອກາດນີ້, ຄະນະຊີ້ນຳແຫ່ງຊາດ 515, ຄະນະຊີ້ນຳ 515 ທະຫານເຂດ 5, ແຂວງກວາງຫງ້າຍ ແລະບັນດາອົງການ, ກົມກອງຕ່າງໆ ໄດ້ມອບຂອງຂວັນແກ່ພະນັກງານ, ນັກຮົບຂອງກອງທ້ອນໂຮມ K53.

ກ່ອນໜ້ານັ້ນ, ຄະນະຜູ້ແທນໄດ້ຈັດການໄຫວ້ອາໄລ, ຖະຫວາຍທູບທຽນວິລະຊົນນັກຮົບເສຍສະຫຼະຊີວິດເພື່ອຊາດ ຢູ່ສຸສານນັກຮົບເສຍສະຫຼະຊີວິດເພື່ອຊາດແຂວງກວາງຫງ້າຍ (ຕາແສງດັກເກິມ).

ໂດຍ: ຈາງຫງວຽນ