ປະກາດຂໍ້ຕົກລົງສ້າງຕັ້ງໂຮງຮຽນວັດທະນະທໍາກອງທັບ ພາກໃຕ້
ກປ.ອອນໄລ - ວັນທີ 28 ມີນາ, ທີ່ນະຄອນ ໂຮ່ຈີມິນ, ທ່ານພົນໂທ ຫງວຽນເຈື່ອງຖັ໋ງ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ໄດ້ເຂົ້າຮ່ວມ ແລະຊີ້ນໍາພິທີປະກາດຂໍ້ຕົກລົງສ້າງຕັ້ງໂຮງຮຽນວັດທະນະທໍາກອງທັບ ພາກໃຕ້ ຂຶ້ນກັບທະຫານເຂດ 7.
ນີ້ແມ່ນໂຮງຮຽນວັດທະນະທໍາພິເສດໃນລະບົບການສຶກສາກອງທັບ ແລະແຫ່ງຊາດ ເພື່ອແນໃສ່ສຶກສາອົບຮົມຮອບດ້ານ, ສົມທົບຢ່າງແໜ້ນແຟ້ນລະຫວ່າງການສອນວັດທະນະທໍາກັບການຝຶກຝົນຫຼໍ່ຫຼອມລະບຽບວິໄນ, ແບບປະພຶດທະຫານ; ຜ່ານນັ້ນສ້າງຄຸນທາດການເມືອງ, ອຸດົມການປະຕິວັດ ແລະຄວາມຮັບຜິດຊອບໃຫ້ແກ່ຄົນຮຸ່ນໜຸ່ມ.
    |
 |
|
ທ່ານພົນໂທ ຫງວຽນເຈື່ອງຖັ໋ງ ກ່າວຄໍາເຫັນຊີ້ນໍາທີ່ພິທີ. ພາບ: ເລືອງແອັງ. |
ກ່າວຄໍາເຫັນທີ່ພິທີ, ທ່ານພົນໂທ ຫງວຽນເຈື່ອງຖັ໋ງ ສະເໜີຄະນະພັກ, ກອງບັນຊາການທະຫານເຂດ 7 ສຸມໃສ່ນໍາພາ, ຊີ້ນໍາໂຮງຮຽນ ສືບຕໍ່ຊາບຊຶມ, ຜັນຂະຫຍາຍປະຕິບັດຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການ ວ່າດ້ວຍການສ້າງຕັ້ງໂຮງຮຽນວັດທະນະທໍາ ກອງທັບພາກໃຕ້ ແລະບັນດາຂໍ້ກໍານົດຂອງລັດ, ກະຊວງປ້ອງກັນປະເທດ ກ່ຽວກັບການສຶກສາ-ກໍ່ສ້າງ ຢ່າງເຂັ້ມງວດ.
|
|
 |
|
ທ່ານພົນໂທ ຫງວຽນເຈື່ອງຖັ໋ງ ມອບທຸງໄຊ ໃຫ້ໂຮງຮຽນວັດທະນະທໍາກອງທັບ ພາກໃຕ້. ພາບ: ເລືອງແອັງ. |
ສະຫາຍ ຮອງລັດຖະມົນຕີກະຊວງປ້ອງກັນປະເທດ ຮຽກຮ້ອງໃຫ້ໂຮງຮຽນ ປັບປຸງການຈັດຕັ້ງໂດຍໄວ, ສັບຊ້ອນພະນັກງານ, ຄູອາຈານ, ພາລະກອນໃຫ້ຄົບຈໍານວນ, ມີຄຸນນະພາບວິຊາສະເພາະສູງ, ຖືກກັບການເປັນມືອາຊີບທາງການທະຫານ; ແບ່ງງານ, ມອບໜ້າທີ່ລະອຽດບົນຈິດໃຈ “ແຈ້ງຄົນ, ແຈ້ງວຽກ, ແຈ້ງຄວາມຮັບຜິດຊອບ”; ສືບຕໍ່ປັບປຸງພື້ນຖານວັດຖຸ, ສ້ອມແປງຄ້າຍທະຫານ, ພາຫະນະອຸປະກອນເຕັກນິກການສິດສອນ; ສ້າງຫຼັກສູດ, ເນື້ອໃນການສຶກສາ-ກໍ່ສ້າງຕາມຮູບແບບໂຮງຮຽນອັດສະລິຍະ, ທັນສະໄໝ.
ຕາງໜ້າຄະນະພັກການທະຫານສູນກາງ, ກະຊວງປ້ອງກັນປະເທດ, ທ່ານພົນໂທ ຫງວຽນເຈື່ອງຖັ໋ງ ໄດ້ມອບທຸງໄຊໃຫ້ໂຮງຮຽນວັດທະນະທໍາກອງທັບ ພາກໃຕ້ ແລະມອບຮູບແຕ້ມ ລຸງໂຮ່ ກັບເດັກນ້ອຍພາກໃຕ້.
ໂດຍ: ໄຊຊະນະ