ພິທີໄວ້ອາໄລ, ປົງອັດຖິທະຫານອາສາສະໝັກ, ຊ່ຽວຊານຫວຽດນາມ ທີ່ເສຍສະຫຼະຊີວິດຢູ່ລາວ ຈໍານວນ 87 ອັດຖິ
ກປ.ອອນໄລ - ຕອນເຊົ້າວັນທີ 24 ພຶດສະພາ, ຢູ່ສຸສານນັກຮົບເສຍສະຫຼະຊີວິດເພື່ອຊາດ ເມືອງງີລົກ (ແຂວງເງະອານ), ຄະນະພັກແຂວງ, ສະພາປະຊາຊົນ, ຄະນະກໍາມະການປະຊາຊົນ, ຄະນະກໍາມະການແນວໂຮມປະເທດຊາດຫວຽດນາມ ແຂວງເງະອານ ໄດ້ຈັດຕັ້ງພິທີໄວ້ອາໄລ ແລະປົງອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ.
ນີ້ແມ່ນອັດຖິນັກຮົບເສຍສະຫຼະຊີວິດເພື່ອຊາດໂດຍກອງທ້ອນໂຮມ (ກອງບັນຊາການທະຫານແຂວງເງະອານ) ຊອກຫາ, ຂຸດຄົ້ນຢູ່ແຂວງໄຊສົມບູນ, ຊຽງຂວາງ, ວຽງຈັນ ໃນລະດູແລ້ງ 2023-2024.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/25/upload_2122/25052024_th_03.jpg?dpi=150&quality=100&w=500) |
ສົ່ງອັດຖິນັກຮົບທີ່ເສຍສະຫຼະຊີວິດເພື່ອຊາດ ມາປົງໄວ້ຢູ່ສຸສານ. ພາບ: ສໍານັກຂ່າວສານຫວຽດນາມ |
ທີ່ພິທີ, ທ່ານ ບຸ່ຍດີ່ງລອງ ຮອງປະທານຄະນະກໍາມະການປະຊາຊົນແຂວງເງະອານ, ຫົວໜ້າຄະນະປະຕິບັດງານພິເສດແຂວງເງະອານ ຢັ້ງຢືນວ່າ ພັກ, ລັດ, ປະຊາຊົນ ແລະກອງທັບຫວຽດນາມ ເອກອ້າງທະນົງໃຈທີ່ສຸດຕໍ່ການເສຍສະຫຼະຊີວິດຂອງບັນດາວິລະຊົນທະຫານອາສາສະໝັກ ແລະຊ່ຽວຊານຫວຽດນາມ, ອັນໄດ້ປະກອບສ່ວນຢ່າງໃຫຍ່ຫຼວງເຂົ້າໃນໄຊຊະນະຂອງການປະຕິວັດສອງປະເທດ, ເສີມສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະປະຫວັດສາດອັນສະຫງ່າອົງອາດຂອງປະຊາຊົນສອງປະເທດຫວຽດນາມ-ລາວ.
ທີ່ພິທີ, ຕາງໜ້າຄະນະປະຕິບັດງານແຂວງຊຽງຂວາງ, ວຽງຈັນ ແລະໄຊສົມບູນ (ລາວ), ທ່ານພົນຕີ ວົງສອນ ອິນປານພິມ, ຮອງເລຂາພັກແຂວງ, ຫົວໜ້າຄະນະປະຕິບັດງານແຂວງໄຊສົມບູນ ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ນັກຮົບອາສາສະໝັກ ແລະຊ່ຽວຊານຫວຽດນາມ ທີ່ໄດ້ເສຍສະຫຼະຊີວິດໃຫ້ພາລະກິດປົດປ່ອຍປະເທດລາວ ແລະຢັ້ງຢືນວ່າສາຍພົວພັນມິດຕະພາບ, ນໍ້າໃຈສາມັກຄີແບບພິເສດ, ການພົວພັນຮ່ວມມືຮອບດ້ານ ຫວຽດນາມ-ລາວ ຈະນັບມື້ນັບພັດທະນາກວ່າ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/05/25/upload_2122/25052024_th_04.jpg?dpi=150&quality=100&w=500) |
ປົງອັດຖິນັກຮົບທີ່ເສຍສະຫຼະຊີວິດເພື່ອຊາດ. ພາບ: ສໍານັກຂ່າວສານຫວຽດນາມ |
ທີ່ພິທີໄວ້ອາໄລ, ໃນບັນຍາກາດທີ່ເຄັ່ງຂຶມ, ບັນດາຜູ້ແທນພ້ອມດ້ວຍພະນັກງານ, ປະຊາຊົນເປັນຈຳນວນຫຼວງຫຼາຍໄດ້ຖະຫວາຍທູບທຽນ, ດອກໄມ້; ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ນັກຮົບເສຍສະຫຼະຊີວິດເພື່ອຊາດ; ຈັດພິທີປົງອັດຖິນັກຮົບທີ່ເສຍສະຫຼະຊີວິດເພື່ອຊາດ 87 ອັດຖິ ຕາມພິທີການກອງທັບຢູ່ສຸສານ.
ໂດຍ: ເຈິ່ນຮວ່ຽນ