ເພີ່ມທະວີການສົມທົບຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ ຢູ່ລາວ
ກປ.ອອນໄລ - ຕອນເຊົ້າວັນທີ 22 ພຶດສະພາ, ຢູ່ເທດສະບານຊຳເໜືອ, ແຂວງຫົວພັນ, ປະເທດລາວ, ຄະນະປະຕິບັດງານຄະນະຊີ້ນໍາ 515 ແຂວງແທັງຮວ໊າ ແລະຄະນະປະຕິບັດງານພິເສດແຂວງຫົວພັນ ໄດ້ດໍາເນີນພິທີມອບຮັບອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດ ໃນປາງສົງຄາມຢູ່ລາວ ໃນລະດູແລ້ງ 2022-2023, ລົງນາມໃນບົດບັນທຶກສົມທົບວຽກງານຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ ໃນລະດູແລ້ງ 2023-2024.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/05/23/thihuyen_la/23052023_th_01.jpg?dpi=150&quality=100&w=500) |
ສະຫາຍ ເຢືອງວັນເຫວ້, ຮອງຫົວໜ້າພະແນກແຮງງານ, ທະຫານເສຍອົງຄະ ແລະສັງຄົມ, ຮອງຫົວໜ້າຄະນະຊີ້ນຳ 515 ແຂວງແທັງຮວ໊າ ແລະສະຫາຍພັນເອກ ພັນສີ ຊ່ອນມີໄຊ, ຫົວໜ້າການເມືອງ, ກອງບັນຊາການທະຫານແຂວງ, ຫົວໜ້າຄະນະປະຕິບັດງານພິເສດແຂວງຫົວພັນ ເປັນປະທານກອງປະຊຸມ. ພາບ: baothanhhoa.vn |
ກ່ຽວກັບທິດທາງສົມທົບກັນຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດໃນລະດູແລ້ງ 2023-2024, ຄະນະຊີ້ນໍາ 515 ແຂວງແທັງຮວ໊າ ແລະຄະນະປະຕິບັດງານພິເສດແຂວງຫົວພັນ ໄດ້ເຫັນດີເປັນເອກະພາບ: ສືບຕໍ່ສົມທົບກັນ, ຊີ້ນຳວຽກງານສຳຫຼວດ, ຊອກຫາ, ທ້ອນໂຮມ, ສົ່ງອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດ ໃນປາງສົງຄາມຢູ່ແຂວງຫົວພັນ (ລາວ) ກັບຄືນປະເທດ... ແລກປ່ຽນ, ຖອດຖອນບົດຮຽນ, ສຸມໃສ່ຊີ້ນຳຍູ້ແຮງວຽກງານຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດໃນບໍລິເວນເປັນປະຈໍາ, ເພີ່ມທະວີການສົມທົບກັນກວດກາ, ຕີລາຄາໝາກຜົນ, ຍ້ອງຍໍຊົມເຊີຍບັນດາອົງການຈັດຕັ້ງ, ບຸກຄົນຂອງແຕ່ລະຝ່າຍທີ່ມີຜົນງານດີເດັ່ນໃນການປະຕິບັດໜ້າທີ່.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/05/23/thihuyen_la/23052023_th_04.jpg?dpi=150&quality=100&w=500) |
ຄະນະປະຕິບັດງານພິເສດແຂວງຫົວພັນ ມອບໃບຍ້ອງຍໍໃຫ້ໝູ່ຄະນະ, ບຸກຄົນທີ່ມີຜົນງານດີເດັ່ນໃນວຽກງານທ້ອນໂຮມລະດູແລ້ງ 2022-2023. ພາບ: baothanhhoa.vn |
ກ່າວຄຳເຫັນທີ່ກອງປະຊຸມ, ສະຫາຍ ເຢືອງວັນເຫວ້, ຮອງຫົວໜ້າພະແນກແຮງງານ, ທະຫານເສຍອົງຄະ ແລະສັງຄົມ, ຮອງຫົວໜ້າຄະນະຊີ້ນຳ 515 ແຂວງແທັງຮວ໊າ ໄດ້ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ຄະນະພັກ, ອຳນາດການປົກຄອງ, ກໍາລັງປະກອບອາວຸດ ແລະປະຊາຊົນລາວບັນດາເຜົ່າແຂວງຫົວພັນ, ເປັນຕົ້ນແມ່ນຄະນະປະຕິບັດງານພິເສດແຂວງຫົວພັນທີ່ໄດ້ຊ່ວຍເຫຼືອຢ່າງສຸດອົກສຸດໃຈ ເພື່ອໃຫ້ຄະນະຊີ້ນໍາ 515 ແຂວງ, ກອງທ້ອນໂຮມ ຂຶ້ນກັບກອງບັນຊາການທະຫານແຂວງແທັງຮວ໊າ ຊອກຫາ, ທ້ອນໂຮມ, ສົ່ງອັດຖິນັກຮົບເສຍສະຫຼະຊີວິດເພື່ອຊາດ ໃນລະດູແລ້ງ 2023-2024 ໄດ້ 16 ອັດຖິ ກັບຄືນປະເທດ, ປະຕິບັດສຳເລັດໜ້າທີ່ໄດ້ຮັບມອບໝາຍ.
ເນື່ອງໃນໂອກາດນີ້, ຄະນະປະຕິບັດງານພິເສດແຂວງຫົວພັນ ໄດ້ມອບໃບຍ້ອງຍໍໃຫ້ໝູ່ຄະນະ, ບຸກຄົນທີ່ມີຜົນງານດີເດັ່ນໃນວຽກງານທ້ອນໂຮມລະດູແລ້ງ 2022-2023.
ໂດຍ: ເຈິ່ນຮວ່ຽນ