ສຳພັນທະມິດກວ່າ 40 ປະເທດ ຂຶ້ນແຜນການກູ້ຊ່ວຍກ່ຳປັ່ນ 2.000 ລຳ ທີ່ຖືກຕິດຄ້າງຢູ່ຊ່ອງແຄບທະເລ Hormuz
ວັນທີ 2 ເມສາ, ກວ່າ 40 ປະເທດເຂົ້າຮ່ວມກອງປະຊຸມທາງໄກໂດຍທ່ານ Yvette Cooper ລັດຖະມົນຕີການຕ່າງປະເທດອັງກິດ ເປັນປະທານ, ແນໃສ່ປຶກສາຫາລືມາດຕະການເປີດເສັ້ນທາງຂົນສົ່ງຜ່ານຊ່ອງແຄບທະເລ Hormuz ຄືນໃໝ່. ບັນດາການສົນທະນາໄດ້ດຳເນີນໂດຍບໍ່ມີການເຂົ້າຮ່ວມຂອງອາເມລິກາ.
ຈາກສະພາບການຕົວຈິງ, ບັນດາປະເທດສຸມໃສ່ບັນດາມາດຕະການທາງການທູດ ແລະແຜນການປະສານສົມທົບສາກົນ, ລວມມີການລະດົມບັນດາເຄື່ອງມືທາງການທູດ ແລະເສດຖະກິດ, ເຮັດໃຫ້ບັນດາວິສາຫະກິດ, ບັນດາບໍລິສັດປະກັນໄພ ແລະຕະຫຼາດພະລັງງານມີຄວາມອຸ່ນອ່ຽນໃຈ, ພ້ອມທັງຜັນຂະຫຍາຍບັນດາການເຄື່ອນໄຫວ ແນໃສ່ຮັບປະກັນຄວາມປອດໄພໃຫ້ແກ່ລູກເຮືອປະມານ 20.000 ຄົນ ທີ່ຕິດຄ້າງໃນກໍໍາປັ່ນເກືອບ 2.000 ລຳ ຢູ່ຊ່ອງແຄບທະເລດັ່ງກ່າວ, ກໍຄືເພີ່ມທະວີການສົມທົບທົ່ວໂລກ ເພື່ອສາມາດເປີດຊ່ອງແຄບທະເລ Hormuz ຢ່າງປອດໄພ ແລະຍືນຍົງ.
    |
 |
|
ບັນດາກໍາປັ່ນຂົນສົ່ງສິນຄ້າຢູ່ອ່າວ, ໃກ້ກັບຊ່ອງແຄບທະເລ Hormuz ເມື່ອວັນທີ 11 ມີນາ 2026. ພາບເອກະສານ: REUTERS |
ບັນດາແຜນການກູ້ຊ່ວຍກໍາປັ່ນທີ່ຖືກຕິດຄ້າງຢູ່ຊ່ອງແຄບທະເລ Hormuz ຈະໄດ້ນຳມາປຶກສາຫາລືໃນກອງປະຊຸມປະສານງານການທະຫານທົ່ວໂລກ, ຄາດວ່າ ຈະໄດ້ດຳເນີນໃນວັນທີ 7 ເມສາ ຈະມາເຖິງ, ຢູ່ Northwood, ທາງທິດຕາເວັນຕົກສ່ຽງເໜືອ ລອນດອນ, ພາຍໃຕ້ການເປັນປະທານຂອງກອງບັນຊາການທະຫານປະສົມປະຈຳການຂອງອັງກິດ.
ແຫຼ່ງຄັດຈາກ: vovworld.vn