leftcenterrightdel
ບັນຍາກາດທີ່ພິທີຮັບເອົາອັດຖິນັກຮົບທີ່ເສຍສະຫຼະຊີວິດຢູ່ ສປປ ລາວ. ພາບ: qdnd.vn

ໂດຍປະຕິບັດຕາມການຊີ້ນໍາຈາກຄະນະຊີ້ນໍາ 515 ແຂວງກວ໋າງບິ່ງ ແລະກອງບັນຊາການທະຫານແຂວງ, ພາຍຫຼັງປະຕິບັດໜ້າທີ່ໃນບໍລິເວນແຂວງຄໍາມ່ວນ ເປັນເວລາກວ່າ 7 ເດືອນ, ກອງ 589, ຫ້ອງການເມືອງກອງບັນຊາການທະຫານແຂວງກວ໋າງບິ່ງ ໄດ້ມານະພະຍາຍາມ, ຜ່ານຜ່າຄວາມຫຍຸ້ງຍາກປະການ, ປະຕິບັດສໍາເລັດທຸກໜ້າທີ່ເປັນຢ່າງດີ.

ພະນັກງານ, ພາລະກອນຂອງກອງ 589 ໄດ້ຕັ້ງໜ້າສໍາຫຼວດ, ກວດກາຂໍ້ມູນຂ່າວສານ, ເປີດກວ້າງບໍລິເວນ, ຄົ້ນຫາ ແລະຂຸດເອົາໄດ້ 19 ອັດຖິ ແລະວັດຖຸພັນຫຼາຍຢ່າງ. ໃນວິວັດການປະຕິບັດໜ້າທີ່, ພະນັກງານ, ພາລະກອນຂອງກອງ 589 ຍາມໃດກໍ່ໄດ້ຮັບຄວາມເອົາໃຈໃສ່, ການສົມທົບກັນ ແລະການໜູນຊ່ວຍຈາກຄະນະພັກ, ອຳນາດການປົກຄອງ, ພະນັກງານ, ນັກຮົບກໍາລັງປະກອບອາວຸດ ແລະປະຊາຊົນລາວບັນດາເຜົ່າ.

leftcenterrightdel
ການນໍາແຂວງກວ໋າງບິ່ງ ແລະແຂວງຄໍາມ່ວນ ຖະຫວາຍທູບທຽນ ສະແດງຄວາມຮູ້ບຸນຄຸນຕໍ່ບັນດານັກຮົບທີ່ເສຍສະຫຼະຊີວິດ. ພາບ: qdnd.vn

ທີ່ພິທີ, ບັນດາຜູ້ແທນ, ພະນັກງານ, ນັກຮົບກໍາລັງປະກອບອາວຸດ, ປະຊາຊົນໄດ້ຖະຫວາຍດອກໄມ້, ທູບທຽນ ແລະກົ້ມຫົວໄວ້ອາໄລໜຶ່ງນາທີເພື່ອສະແດງຄວາມຮຸ້ບຸນຄຸນຕໍ່ຄຸນງາມຄວາມດີຂອງບັນດາວິລະຊົນ ແລະນັກຮົບທີ່ເສຍສະຫຼະຊີວິດເພື່ອຊາດ. ຕາມແຜນການແລ້ວ, ວັນທີ 17 ພຶດສະພາ, ທີ່ສຸສານນັກຮົບເສຍສະຫຼະຊີວິດ ບາຢົກ (ຕາແສງ ລີ໊ແຈາກ, ເມືອງ ໂບ໊ແຈກ) ຈະຈັດຕັ້ງພິທີປົງ 19 ອັດຖິທະຫານອາສາສະໝັກ ແລະຊ່ຽວຊານຫວຽດນາມ ທີ່ເສຍສະຫຼະຊີວິດ ຢູ່ແຂວງຄໍາມ່ວນ, ປະເທດລາວ.

ໂດຍ: ທູຈາງ