ແຂວງແທັງຮວ໊າ ຈັດຕັ້ງພິທີໄຫວ້ອາໄລ ແລະປົງອັດຖິນັກຮົບທີ່ເສຍສະຫຼະຊີວິດເພື່ອຊາດໃນປາງສົງຄາມຢູ່ລາວ
ກປ.ອອນໄລ - ຕອນເຊົ້າວັນທີ 24 ພຶດສະພາ, ທີ່ສຸສານນັກຮົບທີ່ເສຍສະຫຼະຊີວິດເພື່ອຊາດສາກົນດົ່ງເຕີມ (ເມືອງບາເທືອກ, ແຂວງແທັງຮວ໊າ), ຄະນະພັກແຂວງ, ສະພາປະຊາຊົນ, ຄະນະກໍາມະການແນວໂຮມປະເທດຊາດຫວຽດນາມ ແຂວງແທັງຮວ໊າ ໄດ້ຈັດຕັ້ງພິທີໄຫວ້ອາໄລ ແລະປົງອັດຖິທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ.
ໃນລະດູແລ້ງປີ 2021-2022, ກອງທ້ອນໂຮມອັດຖິນັກຮົບທີ່ເສຍສະຫຼະຊີວິດເພື່ອຊາດ ຂຶ້ນກັບກອງບັນຊາການທະຫານແຂວງແທັງຮວ໊າ ໄດ້ຊອກຄົ້ນ, ທ້ອນໂຮມອັດຖິທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ ຈໍານວນ 16 ອັດຖິ ກັບຄືນປະເທດ.
ການຊອກຄົ້ນ, ທ້ອນໂຮມ ແລະສົ່ງອັດຖິທະຫານອາສາສະໝັກ ແລະນັກຊ່ຽວຊານຫວຽດນາມ ກັບຄືນປະເທດແມ່ນໜຶ່ງໃນບັນດາການສະແດງໃຫ້ເຫັນຢ່າງລະອຽດຂອງມູນເຊື້ອ “ຕອບບຸນແທນຄຸນ” ຂອງປະເທດຊາດ, ແມ່ນຄວາມຮັບຜິດຊອບ, ນໍ້າໃຈອັນເລິກເຊິ່ງຂອງຄະນະພັກ, ອໍານາດການປົກຄອງ ແລະປະຊາຊົນບັນດາກໍາລັງປະກອບອາວຸດທີ່ມີຕໍ່ຜູ້ທີ່ດີເດັ່ນຂອງປະເທດຊາດໄດ້ເສຍສະຫຼະຊີວິດເພື່ອເອກະລາດ, ອິດສະຫຼະພາບຂອງສອງປະເທດຫວຽດນາມ-ລາວ.
|
|
ປົງອັດຖິທະຫານທີ່ເສຍສະຫຼະຊີວິດເພື່ອຊາດ. ພາບ: qdnd.vn. |
ນີ້ກໍ່ແມ່ນວຽກທີ່ເຕັມໄປດ້ວຍຄວາມຮັກແພງ, ຕອບສະໜອງຄວາມມຸ່ງມາດປາດຖະໜາອັນຊອບທຳຂອງຍາດຕິພີ່ນ້ອງຄອບຄົວນັກຮົບເສຍສະຫຼະຊີວິດເພື່ອຊາດ; ຮັດແໜ້ນຄວາມສາມັກຄີແບບພິເສດລະຫວ່າງສອງພັກ, ສອງລັດຫວຽດນາມ-ລາວ, ສອງແຂວງແທັງຮວ໊າ-ຫົວພັນ ກວ່າອີກ, ພ້ອມທັງມີຄວາມໝາຍດ້ານການສຶກສາອົບຮົມໃຫ້ປະຊາຊົນທຸກຊັ້ນວັນນະຕໍ່ການເສຍສະຫຼະຊີວິດຂອງບັນດາວິລະຊົນ, ນັກຮົບເພື່ອພື້ນຖານເອກະລາດຂອງປະເທດຊາດ ແລະພາລະກິດສາກົນອັນສູງສົ່ງ.
ໃນບັນຍາກາດທີ່ເຄັ່ງຂຶມ, ເຄົາລົບນັບຖື, ບັນດາຄະນະຜູ້ແທນໄດ້ຖະຫວາຍທູບທຽນ, ດອກໄມ້ເພື່ອໄຫວ້ອາໄລ, ສະແດງຄວາມຮູ້ບຸນຄຸນຕໍ່ບັນດານັກຮົບທີ່ໄດ້ອຸທິດ, ເສຍສະຫຼະຊີວິດເພື່ອພາລະກິດປົດປ່ອຍປະເທດຊາດ, ປະຕິບັດໜ້າທີ່ສາກົນອັນສູງສົ່ງ.
ໂດຍ: ຈາງຫງວຽນ