ທ່ານພົນເອກ ຟານວັນຢາງ ແລະທ່ານພົນໂທ ຕົງ ຈຸ່ນ ຢ້ຽມຊົມສີລາຈາລຶກ “ເສັ້ນທາງໂຮ່ຈິມິນ ບົນທະເລ”

ໃນມື້ນີ້17:44

ກປ.ອອນໄລ - ສືບຕໍ່ບັນດາກິດຈະກຳຢູ່ ຈີນ ໃນຂອບເຂດງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ຈີນ ຄັ້ງທີ 10, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານພົນໂທ ຕົງ ຈຸ່ນ, ລັດຖະມົນຕີກະຊວງປ້ອງກັນປະເທດ ຈີນ ພ້ອມດ້ວຍຄະນະຜູ້ແທນສອງປະເທດ ໄປຢ້ຽມຊົມສີລາຈາລຶກ “ຈຸດເລີ່ມຕົ້ນຂອງເສັ້ນທາງ ໂຮ່ຈິມິນ ບົນທະເລ” ຢູ່ທ່າເຮືອທ່ອງທ່ຽວ ຝາງແຈງ, ກວາງຊີ.

ທ່ານພົນໂທ ຕົງ ຈຸ່ນ ເປັນປະທານພິທີຕ້ອນຮັບທ່ານພົນເອກ ຟານວັນຢາງ ແລະຄະນະຜູ້ແທນຫວຽດນາມ ເຂົ້າຮ່ວມງານພົບປະແລກປ່ຽນ ຢູ່ ຈີນ

ທ່ານພົນເອກ ຟານວັນຢາງ ພ້ອມດ້ວຍຄະນະຜູ້ແທນຫວຽດນາມ ເຂົ້າຮ່ວມງານພົບປະແລກປ່ຽນ ຢູ່ ຈີນ

ລັດຖະມົນຕີກະຊວງປ້ອງກັນປະເທດ ຫວຽດນາມ ແລະຈີນ ເຂົ້າຮ່ວມພິທີວາງສີລາລຶກສຸກສາລາມິດຕະພາບ ຕາແສງຫາຍເຊີນ

ຢູ່ທີ່ນີ້, ສອງສະຫາຍລັດຖະມົນຕີ ໄດ້ຢ້ຽມຊົມສີລາຈາລຶກ ແລະຢູ່ເທິງສີລາຈາລຶກຄວັດສອງພາສາ ຈີນ - ຫວຽດນາມ: “ຈຸດເລີ່ມຕົ້ນຂອງເສັ້ນທາງ ໂຮ່ຈິມິນ ບົນທະເລ”. ເດືອນ ມີນາ 1968, ໂດຍສູນກາງພັກກອມມູນິດ ຈີນ ໄດ້ໃຫ້ສັດຕະຍາບັນ, ຝາງແຈງ ໄດ້ລົງມືກໍ່ສ້າງທ່າເຮືອ ເພື່ອຮັບປະກັນການສູ້ຮົບ, ມີຊື່ລະຫັດ “ກິດຈະການກວາງຊີ 322”, ເປີດເສັ້ນທາງຂົນສົ່ງທາງທະເລລັບ ທີ່ມີລວງຍາວ 35 ໄມທະເລ, ເພື່ອທຳລາຍການປິດລ້ອມທາງທະເລຂອງກອງທັບອາເມລິກາ ຕໍ່ກັບຫວຽດນາມ, ໜູນຊ່ວຍ ຫວຽດນາມ ຕໍ່ສູ້ກູ້ຊາດ, ຕ້ານອາເມລິກາ.

ໃນໄລຍະ 1972 - 1973, ເສັ້ນທາງຂົນສົ່ງນີ້ ໄດ້ຂົນສົ່ງວັດຖຸອຸປະກອນຈໍານວນ 161.800 ໂຕນ ຊ່ວຍເຫຼືອໃຫ້ແກ່ການປະຕິວັດຫວຽດນາມ ດ້ວຍກໍາປັ່ນ ແລະເຮືອ ຈຳນວນ 1.000 ກວ່າຖ້ຽວ. ນີ້ໄດ້ຮັບຖືວ່າແມ່ນເສັ້ນທາງບົນທະເລ ທີ່ມີຄວາມສຳຄັນໃນການຕໍ່ສູ້ຕ້ານອາເມລິກາ, ກູ້ຊາດຂອງຫວຽດນາມ ແລະຝ່າຍຫວຽດນາມ ເອີ້ນວ່າ “ເສັ້ນທາງໂຮ່ຈິມິນ ບົນທະເລ”.