ທະຫານເຂດ 4 ທ້ອນໂຮມໄດ້ 284 ອັດຖິນັກຮົບທີ່ເສຍສະຫຼະຊີວິດເພື່ອຊາດ
ກປ.ອອນໄລ - ແຕ່ຕົ້ນປີ 2021 ມາຮອດປະຈຸບັນ, ຄະນະຊີ້ນໍາ 515, ທະຫານເຂດ 4 ໄດ້ສົມທົບກັບບັນດາກົມກອງ, ທ້ອງຖິ່ນຕິດຕາມ, ຊີ້ນໍາກອງຊອກຫາ, ທ້ອນໂຮມອັດຖິນັກຮົບທີ່ເສຍສະຫຼະຊີວິດເພື່ອຊາດ, ທ້ອນໂຮມໄດ້ 284 ອັດຖິນັກຮົບທີ່ເສຍສະຫຼະຊີວິດເພື່ອຊາດ (ໃນນັ້ນ 109 ອັດຖິແມ່ນຢູ່ພາຍໃນປະເທດ; 175 ອັດຖິແມ່ນຂອງທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ລາວ).
    |
 |
ພາບປະກອບຄັດຈາກ: chinhsachquandoi.gov.vn. |
ໃນສະພາບພະຍາດໂຄວິດ-19 ຜັນແປຢ່າງສັບສົນ, ຄະນະຊີ້ນໍາ 515, ທະຫານເຂດ 4 ໄດ້ຊີ້ນໍາກອງຊອກຫາ, ທ້ອນໂຮມອັດຖິນັກຮົບທີ່ເສຍສະຫຼະຊີວິດເພື່ອຊາດ, ພິເສດແມ່ນບັນດາກອງທີ່ພວມປະຕິບັດໜ້າທີ່ຢູ່ລາວ ເພີ່ມທະວີມາດຕະການປ້ອງກັນ, ຕ້ານພະຍາດໂຄວິດ-19 ຢ່າງທັນການ; ຈັດພິທີມອບ-ຮັບ, ໄວ້ອາໄລ ແລະປົງອັດຖິນັກຮົບທີ່ເສຍສະຫຼະຊີວິດເພື່ອຊາດ, ຮັບປະກັນໃຫ້ສົມກຽດ, ຮັດກຸມ, ຮອບຄອບຖີ່ຖ້ວນ, ສາຍຈິດມິດໃຈ, ມີຄວາມປອດໄພໃນການປ້ອງກັນ, ຕ້ານພະຍາດໂຄວິດ-19, ຄື: ສີດຢາຂ້າເຊື້ອໂລກບັນດາພາຫະນະ, ວັດຖຸ ແລະຈັດພິທີມອບ-ຮັບອັດຖິນັກຮົບທີ່ເສຍສະຫຼະຊີວິດເພື່ອຊາດ; ຮັບປະກັນການແຍກປ່ຽວສໍາລັບພະນັກງານ, ນັກຮົບກອງຊອກຫາ, ທ້ອນໂຮມອັດຖິນັກຮົບທີ່ເສຍສະຫຼະຊີວິດເພື່ອຊາດ ຈາກລາວ ກັບຄືນຫວຽດນາມ ຕາມຂໍ້ກໍານົດຂອງກະຊວງສາທາລະນະສຸກ…
ໂດຍ: ເຈິ່ນຮວ່ຽນ