ສື່ມວນຊົນສາກົນມີຄວາມປະທັບໃຈຕໍ່ “ວັນບຸນເລືອກຕັ້ງທົ່ວປະເທດ” ຂອງຫວຽດນາມ
ວັນທີ 15 ມີນາ, ມີຫຼາຍສຳນັກຂ່າວສານ ແລະ ອົງການສື່ມວນຊົນສາກົນ ໄດ້ໃຫ້ຂ່າວກ່ຽວກັບການເລືອກຕັ້ງສະມາຊິກສະພາແຫ່ງຊາດຊຸດທີ XVI ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2026-2031 ຂອງຫວຽດນາມ, ຖືນີ້ແມ່ນເຫດການການເມືອງສຳຄັນຖືກດຳເນີນໄປ ພາຍຫຼັງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ ແລະ ໃນສະພາບການ ຫວຽດນາມ ສືບຕໍ່ຊຸກຍູ້ບັນດາເປົ້າໝາຍພັດທະນາເສດຖະກິດ - ສັງຄົມໃນໄລຍະໃໝ່.
ຕາມບົດຂຽນຂອງສຳນັກຂ່າວສານແຫ່ງຊາດມາເລເຊຍ (BERNAMA), ການເລືອກຕັ້ງດຳເນີນໄປໃນສະພາບການ ຫວຽດນາມ ສືບຕໍ່ຊຸກຍູ້ບັນດາເປົ້າໝາຍພັດທະນາເສດຖະກິດ, ສັງຄົມ ແລະ ສ້າງລະບົບນະໂຍບາຍໃຫ້ສົມບູນແບບແກ່ໄລຍະພັດທະນາໃໝ່. ບົດຂຽນໄດ້ຊີ້ແຈ້ງວ່າ, ການເລືອກຕັ້ງທົ່ວປະເທດ ບໍ່ພຽງແຕ່ແມ່ນໂອກາດເພື່ອໃຫ້ຜູ້ມີສິດເລືອກຕັ້ງເກືອບ 79 ລ້ານຄົນໃນທົ່ວປະເທດ ປະຕິບັດສິດ ແລະພັນທະລົງຄະແນນສຽງ, ຜ່ານນັ້ນເລືອກເອົາບັນດາຜູ້ແທນທີ່ດີເດັ່ນ ແລະສົມເປັນຕົວແທນໃຫ້ຄວາມມຸ່ງມາດປາດຖະໜາຂອງຕົນໃນສະພາແຫ່ງຊາດ ແລະສະພາປະຊາຊົນທຸກຂັ້ນໃນອາຍຸການໃໝ່ເທົ່ານັ້ນ, ຫາກຍັງແມ່ນບາດກ້າວລະອຽດໃນການຜັນຂະຫຍາຍປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ.
    |
 |
|
ສື່ມວນຊົນສາກົນມີຄວາມປະທັບໃຈຕໍ່ “ວັນບຸນເລືອກຕັ້ງທົ່ວປະເທດ” ຂອງຫວຽດນາມ. ພາບ: ສໍານັກຂ່າວສານຫວຽດນາມ |
ໜັງສືພິມ Nikkei Asia ຂອງຍີ່ປຸ່ນ ຕີລາຄາວ່າ ການເລືອກຕັ້ງແມ່ນໂອກາດເພື່ອໃຫ້ປະຊາຊົນເຂົ້າຮ່ວມເລືອກເອົາບັນດາຜູ້ຕາງໜ້າໃຫ້ແກ່ສຽງເວົ້າ ແລະຜົນປະໂຫຍດຂອງຕົນ. ຕາມບົດຂຽນແລ້ວ, ການເຂົ້າຮ່ວມທີ່ຕັ້ງໜ້າຂອງຜູ້ມີສິດເລືອກຕັ້ງ ຈະຊ່ວຍເພີ່ມທະວີລັກສະນະເປັນຕົວແທນ, ປັບປຸງຄວາມເຫັນດີເຫັນພ້ອມທາງສັງຄົມ, ໜູນຊ່ວຍບັນດານະໂຍບາຍພັດທະນາເສດຖະກິດ - ສັງຄົມ, ມຸ່ງໄປເຖິງຍົກສູງການການເຕີບໂຕ ແລະຄຸນນະພາບການດໍາລົງຊີວິດຂອງປະຊາຊົນ.
ວິທະຍຸກະຈາຍສຽງ Sputnik (ລັດເຊຍ), ສະຖານີໂທລະພາບສູນກາງຈີນ (CCTV), ສຳນັກຂ່າວສານ Prensa Latina ຂອງກູບາ ແລະບັນດາສຳນັກຂ່າວສານຝ່າຍຕາເວັນຕົກ… ລ້ວນແຕ່ເນັ້ນໜັກວ່າ ນີ້ແມ່ນເຫດການການເມືອງສຳຄັນຂອງຫວຽດນາມ, ພ້ອມກັນນັ້ນ ສົ່ງສານກ່ຽວກັບ “ວັນບຸນເລືອກຕັ້ງທົ່ວປະເທດ” ຂອງ ຫວຽດນາມ, ໃນນັ້ນໃຫ້ຂໍ້ສັງເກດວ່າ ການເລືອກຕັ້ງຄັ້ງນີ້ມີການປ່ຽນແປງໃໝ່ຫຼາຍຢ່າງ, ສ່ອງແສງການປັບປຸງໃນວຽກງານການຈັດຕັ້ງ ແລະວິທີການຜັນຂະຫຍາຍ.
ໂດຍ: ຈາງຫງວຽນ