ເດີນທາງໄປປະຕິບັດໜ້າທີ່ຊອກຫາ, ທ້ອນໂຮມອັດຖິທະຫານອາສາສະໝັກທີ່ເສຍສະຫຼະຊີວິດໃນປາງສົງຄາມຢູ່ ລາວ
ກປ.ອອນໄລ - ວັນທີ 30 ຕຸລາ, ກອງທ້ອມໂຮມອັດຖິ 192 ກອງບັນຊາການທະ ຫານແຂວງ ເທື່ອທຽນເຫ້ວ ໄດ້ຈັດຕັ້ງພິທີເດີນທາງໄປປະຕິບັດໜ້າທີ່ຊອກຫາ, ທ້ອນໂຮມອັດຖິທະຫານອາສາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມຢູ່ ລາວ ລະດູແລ້ງ 2020-2021.
    |
 |
|
ພະນັກງານ, ພາລະກອນກອງທ້ອນໂຮມອັດຖິ 192 ກອງບັນຊາການທະຫານແຂວງ ເທື່ອທຽນເຫວ້ ເດີນທາງໄປປະຕິບັດໜ້າທີ່ຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດຢູ່ ລາວ. ພາບ: baophapluat.vn |
ກ່າວຄໍາເຫັນມອບໜ້າທີ່ໃຫ້ກອງທ້ອນໂຮມອັດຖິ 192 ກ່ອນຈະເດີນທາງໄປປະຕິບັດໜ້າທີ່, ການນໍາກອງບັນຊາການທະຫານແຂວງ ເທື່ອທຽນເຫ້ວ ໄດ້ຍ້ອງຍໍຊົມເຊີຍພະນັກງານ, ພາລະກອນຂອງກອງທ້ອນໂຮມອັດຖິ 192 ທີ່ໄດ້ກໍານົດໜ້າທີ່ເປັນຢ່າງດີ, ຕະລຸມບ່ອນເດີນທາງໄປປະຕິບັດໜ້າທີ່ຊອກຫາ, ທ້ອນໂຮມອັດຖິທະຫານອາສາສະໝັກ ແລະນັກຊ່ຽວຊານທີ່ເສຍສະຫຼະຊີວິດໃນປາງສົງຄາມຢູ່ ລາວ. ພ້ອມທັງຮຽກຮ້ອງໃຫ້ພະນັກງານ, ພາລະກອນກອງທ້ອນໂຮມອັດຖິ 192 ເສີມຂະຫຍາຍມູນເຊື້ອກົມກອງວິລະຊົນໃຫ້ເປັນຢ່າງດີ, ຍາມໃດກໍຮັກສາລະບຽບວິໄນ.
|
|
 |
|
ຫົວໜ້າກອງບັນຊາການທະຫານແຂວງ ເທື່ອທຽນເຫວ້ ມອບໜ້າທີ່ໃຫ້ພະນັກງານ, ພາລະກອນກອງທ້ອນໂຮມອັດຖິ 192 ກ່ອນທີ່ຈະເດີນທາງໄປປະຕິບັດໜ້າທີ່. ພາບ: baophapluat.vn |
ການນໍາກອງບັນຊາການທະຫານແຂວງ ເທື່ອທຽນເຫວ້ ກໍຮຽກຮ້ອງ, ໃນເວລາໄປປະຕິບັດໜ້າທີ່ບົນດິນແດນປະເທດເພື່ອນມິດລາວ ຕ້ອງສ້າງຄວາມສາມັກຄີສະໜິດແໜ້ນກັບຄະນະພັກ, ອົງການປົກຄອງ ແລະປະຊາຊົນລາວບັນດາເຜົ່າ, ປະຕິບັດວຽກງານຂົນຂວາຍປະຊາຊົນ, ວຽກງານໂຄສະນາເປັນຢ່າງດີ.
ຕາມແຜນການ, ລະດູແລ້ງ 2020-2021, ກອງທ້ອນໂຮມອັດຖິ 192 ຈະສືບຕໍ່ປະຕິບັດໜ້າທີ່ຊອກຫາ, ທ້ອນໂຮມອັດຖິທະຫານອາສະໝັກ ແລະນັກຊ່ຽວຊານຫວຽດນາມ ທີ່ເສຍສະຫຼຊີວິດໃນປາງສົງຄາມຢູ່ລາວ ໃນບໍລິເວນສອງແຂວງ ສາລະວັນ ແລະເຊກອງ.
ໂດຍ: ກວຽດເຕິມ