ກອງປະຊຸມ SOM-DOC ຄັ້ງນີ້ ໄດ້ຈັດຂຶ້ນພາຍຫຼັງທີ່ຖືກໂຈະໄວ້ສອງປີຍ້ອນພະຍາດໂຄວິດ-19, ໂດຍ ມຽນມາ ເປັນປະເທດປະສານງານການພົວພັນອາຊຽນ-ຈີນ ແລະຈີນ ເປັນປະທານຮ່ວມ. ທີ່ກອງປະຊຸມ, ບັນດາປະເທດໄດ້ຢັ້ງຢືນຄືນໃໝ່ກ່ຽວກັບຄຸນຄ່າ ແລະຄວາມສຳຄັນຂອງ DOC ຕໍ່ກັບພາກພື້ນ. ຫຼາຍການເຄື່ອນໄຫວຮ່ວມມືໄດ້ຮັບການຜັນຂະຫຍາຍຢ່າງມີປະສິດທິຜົນ, ຖືກກັບແຜນການ, ໃນນັ້ນມີການຮ່ວມມືປົກປັກຮັກສາສິ່ງແວດລ້ອມທະເລ, ຄົ້ນຄວ້າວິທະຍາສາດທະເລ, ການປະພຶດມະນຸດສະທຳ ແລະທ່ຽງທຳຕໍ່ກັບຊາວປະມົງ, ຊອກຫາ, ກູ້ໄພຢູ່ທະເລ... ບັນດາປະເທດ ກໍ່ຮັບຮູ້ການເຄື່ອນໄຫວສະເຫຼີມສະຫຼອງ 20 ປີແຫ່ງວັນເຊັນ DOC ທີ່ໄດ້ດໍາເນີນໃນປີ 2022.

leftcenterrightdel
ທ່ານ ຫວູໂຮ່ ເອກອັກຄະລັດຖະທູດ, ຮັກສາການຫົວໜ້າ SOM ອາຊຽນຫວຽດນາມ. ພາບ: ສຳນັກຂ່າວສານຫວຽດນາມ

ຄຽງຂ້າງກັນນັ້ນ, ບັນດາປະເທດກໍ່ແບ່ງປັນຄວາມວິຕົກກັງວົນກ່ຽວກັບການຜັນແປຢ່າງສັບສົນຢູ່ທະເລຕາເວັນອອກໃນໄລຍະຜ່ານມາ, ໄດ້ສົ່ງຜົນສະທ້ອນເຖິງສິດ ແລະຜົນປະໂຫຍດອັນຊອບທຳຂອງບັນດາປະເທດແຄມທະເລຕາເວັນອອກ, ຕາມນັ້ນແລ້ວໄດ້ເນັ້ນໜັກວ່າ ອາຊຽນ ແລະຈີນ ຍິ່ງຕ້ອງປະຕິບັດ DOC ຢ່າງເຂັ້ມງວດ, ປະຕິບັດທຸກມາດຕາຂອງ DOC ຢ່າງມີປະສິດທິຜົນ ແລະຄົບຖ້ວນ.  ບັນດາປະເທດກໍ່ໄດ້ຢັ້ງຢືນຄືນໃໝ່ກ່ຽວກັບຄວາມສໍາຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນເຮືອ ແລະການບິນຢູ່ທະເລຕາເວັນອອກ; ເຄົາລົບບັນດາຫຼັກການ, ຄື: ປະຕິບັດການລະງັບໃຈ, ບໍ່ນຳໃຊ້ ຫຼືນາບຂູ່ນຳໃຊ້ກຳລັງອາວຸດ, ແກ້ໄຂຂໍ້ຂັດແຍ້ງໂດຍສັນຕິວິທີບົນພື້ນຖານກົດໝາຍສາກົນ ແລະສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ປີ 1982.

ໂດຍ: ແສງເດືອນ