ໄທ ໄດ້ຕໍ່ກຳນົດເວລາໃຫ້ແກ່ໜັງສືອະນຸຍາດແຮງງານ 6 ເດືອນໃຫ້ແກ່ພົນລະເມືອງ ກຳປູເຈຍ ທີ່ຖືກຜົນສະທ້ອນຈາກບັນດາມາດຕະການຄວບຄຸມເຂດຊາຍແດນ ໂດຍອະນຸຍາດໃຫ້ເຂົາເຈົ້າສືບຕໍ່ເຮັດວຽກຢູ່ ໄທຍ້ອນເຫດຜົນທາງມະນຸດສະທຳ. ຂໍ້ມູນດັ່ງກ່າວໂດຍ ຣາດຊະກິດຈານນຸເບກສາ ໄທເອົາລົງໃນວັນທີ 13 ສິງຫາ, ຕາມນັ້ນແລ້ວ, ກະຊວງພາຍໃນໄທໄດ້ອອກຂໍ້ກຳນົດຈຳນວນໜຶ່ງວ່າດ້ວຍການຍົກເວັ້ນ, ອະນຸຍາດໃຫ້ແກ່ພົນລະເມືອງ ກຳປູເຈຍ ອາໄສ ແລະເຮັດວຽກຢູ່ໄທ ໃນບາງກໍລະນີພິເສດ.
ເລື່ອງຍົກເວັ້ນນີ້ໄດ້ນຳໃຊ້ສຳລັບບຸກຄົນທີ່ໃນກ່ອນນີ້ໄດ້ຮັບໜັງສື ອະນຸຍາດແຮງງານຕາມມາດຕາ 64 ຂອງກົດໝາຍວ່າດ້ວຍການຄຸ້ມຄອງແຮງງານຕ່າງປະເທດ ໃນປີ 2017, ແຕ່ຍັງບໍ່ສາມາດກັບເມືອກຳປູເຈຍ ຍ້ອນບັນດາມາດຕະການຄວບຄຸມເຂດຊາຍແດນທີ່ພວມດຳເນີນລະຫວ່າງສອງປະເທດ ໄທ ແລະ ກຳປູເຈຍ. ແຈ້ງການໄດ້ຍົກອອກມາພາຍຫຼັງລັດຖະບານ ໄທ ແລະ ກຳປູເຈຍ ເພີ່ມທະວີບັນດາມາດຕະການຄວບຄຸມເຂດຊາຍແດນຢູ່ທຸກດ່ານຊາຍແດນ, ເຮັດໃຫ້ເລື່ອງກັບເມືອປະເທດຂອງຜູ້ອອກແຮງງານກຳປູເຈຍປະສົບກັບຄວາມຫຍຸ້ງຍາກ.
ແຫຼ່ງຄັດຈາກ: vovworld.vn
Type the code from the image