leftcenterrightdel
ລົດບັນທຸກ ເມັກຊີໂກ ພວມຂ້າມຊາຍແດນ Zaragoza-Ysleta ຢູ່ Ciudad Juarez, ເມັກຊີໂກ ເພື່ອຂົນສົ່ງສິນຄ້າເຂົ້າເມືອງ ອາເມລິກາ ໃນວັນທີ 12 ກໍລະກົດ 2025. ພາບ: REUTERS/Jose Luis Gonzalez

ໃນຈົດໝາຍຝາກເຖິງທ່ານນາງ Ursula von der Leyen ປະທານຄະນະກຳມະການເອີຣົບ (EC), ທ່ານປະທານາທິບໍດີ ອາເມລິກາ ກ່າວເຕືອນວ່າ ຈະເພີ່ມອັດຕາພາສີຖ້າຫາກວ່າ EU ເພີ່ມອັດຕາພາສີສຳລັບສິນຄ້າຂອງອາເມລິກາ ຫຼື ມີບັນດາມາດຕະການຕອບໂຕ້ອື່ນ. ພ້ອມດຽວກັນນັ້ນ, ການນຳອາເມລິກາ ຮຽກຮ້ອງໃຫ້ EU ເປີດປະຕູຕະຫຼາດການຄ້າສຳລັບອາເມລິກາ ກໍຄື ຍົກເລີກບັນດານະໂຍບາຍພາສີອາກອນ ແລະປອດພາສີອາກອນ ແລະຮົ້ວກີດຂວາງດ້ານການຄ້າ, ແທນທີ່ນັ້ນ, ອາເມລິກາ ຈະພິຈາລະນາດັດປັບອັດຕາພາສີຕາມສະພາບການຂອງການພົວພັນສອງຝ່າຍ.

ໃນຂະນະນັ້ນ, ໃນຈົດໝາຍຝາກເຖິງທ່ານນາງ Claudia Sheinbaum  ປະທານາທິບໍດີ ເມັກຊີໂກ, ທ່ານປະທານາທິບໍດີ Donald Trump ໃຫ້ຮູ້ວ່າ ລະດັບອັດຕາພາສີ 30% ໄດ້ຮັບການຈັດວາງ ຍ້ອນວ່າ ເມັກຊີໂກ ບໍ່ໃຫ້ການສົມທົບຢ່າງພຽງພໍ ເພື່ອສະກັດກັ້ນບັນດາກຸ່ມອາດຊະຍາກຳຢາເສັບຕິດ ແລະ fenanyl ເຂົ້າຕະຫຼາດອາເມລິກາ; ພ້ອມດຽວກັນນັ້ນ, ການຂາດດຸນການຄ້າຈາກບັນດານະໂຍບາຍພາສີອາກອນ ແລະປອດພາສີ ແລະຮົ້ວກີດຂວາງດ້ານການຄ້າຂອງເມັກຊີໂກ ກໍແມ່ນໄພນາບຂູ່ສຳລັບພື້ນຖານເສດຖະກິດ ແລະຄວາມໝັ້ນຄົງແຫ່ງຊາດອາເມລິກາ. ເຖິງຢ່າງໃດກໍຕາມ, ທ່ານ Trump ກໍໃຫ້ຮູ້ວ່າ ຈະພິຈາລະນາການດັດປັບອັດຕາພາສີດັ່ງກ່າວ ຖ້າຫາກວ່າ ເມັກຊີໂກ ແກ້ໄຂໄດ້ບັນດາຄວາມວິຕົກກັງວົນຂອງອາເມລິກາ.

ແຫຼ່ງຄັດຈາກ: vovworld.vn