ທ່ານນາງ ພອນມາລີ ອິນທະພົມ ໃຫ້ຮູ້ວ່າ ປະຈຸບັນເວທີປາໄສດັ່ງກ່າວໄດ້ຮັບການລົງທະບຽນຈາກຜູ້ແທນປະມານ 230 ທ່ານ, ລວມມີເຈົ້າໜ້າທີ່ລັດຖະບານ, ວິສາຫະກິດເອກະຊົນ ແລະປະຊາຄົມຮາກຖານ.

ດ້ວຍຫົວຂໍ້ທີ່ເຂັ້ມແຂງ “ການເດີນທາງຂອງຄວາມສາມັກຄີ-ພ້ອມກັນເຂັ້ມແຂງກວ່າ”, ເວທີປາໄສການທ່ອງທ່ຽວແມ່ນໍ້າຂອງປີ 2025 ວາງເປົ້າໝາຍຊຸກຍູ້ຂະແໜງການທ່ອງທ່ຽວອະນຸພາກພື້ນແມ່ນໍ້າຂອງເປີດກວ້າງການພັດທະນາກວ່າອີກ. ເວທີປາໄສກໍ່ແນໃສ່ຢັ້ງຢືນຄວາມສຳຄັນຂອງການຮ່ວມມືໃນການຈັດຕັ້ງປະຕິບັດຍຸດທະສາດການທ່ອງທ່ຽວອະນຸພາກພື້ນແມ່ນໍ້າຂອງຮອດປີ 2030 ດ້ວຍເປົ້າໝາຍຮັບປະກັນການເຕີບໂຕຮອບດ້ານ ແລະແບບຍືນຍົງນໍາມາເຊິ່ງຜົນປະໂຫຍດມາໃຫ້ທຸກຄົນ.

leftcenterrightdel
ນັກທ່ອງທ່ຽວ ຂີ່ຊ້າງຢູ່ຫຼວງພະບາງ, ປະເທດລາວ. ພາບ: ຈິ້ງຢຸງ

ເວທີປາໄສການທ່ອງທ່ຽວແມ່ນໍ້າຂອງປີ 2025 ຈະມີ 4 ວາລະກອງປະຊຸມໄຈ້ແຍກຄວາມສາມາດບົ່ມຊ້ອນອັນອຸດົມສົມບູນຂອງອະນຸພາກພື້ນແມ່ນໍ້າຂອງເປີດກວ້າງໃນຂົງເຂດອາຫານ, ການທ່ອງທ່ຽວຊີວະພາບ, ການທ່ອງທ່ຽວກະສິກຳ, ວັດທະນະທຳ ແລະມໍລະດົກ. ວາລະກອງປະຊຸມຕ່າງໆຈະສະໜອງຄວາມຮູ້ລວງເລິກ ແລະສ້າງເງື່ອນໄຂໃຫ້ການແລກປ່ຽນຄວາມຮູ້, ປຶກສາຫາລືທິດທາງຊຸກຍູ້ການພັດທະນາການທ່ອງທ່ຽວແບບຍືນຍົງ, ອຸດົມສົມບູນທາງດ້ານວັດທະນະທໍາ ແລະຈັບອົກຈັບໃຈໃຫ້ເຂດອະນຸພາກພື້ນແມ່ນໍ້າຂອງເປີດກວ້າງ.

ເວທີປາໄສການທ່ອງທ່ຽວແມ່ນໍ້າຂອງແມ່ນໜຶ່ງໃນບັນດາເຫດການພົ້ນເດັ່ນໃຫ້ຂະແໜງການທ່ອງທ່ຽວອະນຸພາກພື້ນແມ່ນໍ້າຂອງເປີດກວ້າງ. ນີ້ແມ່ນການເຄື່ອນໄຫວທີ່ລິເລີ່ມໂດຍສະມາຄົມການທ່ອງທ່ຽວອາຊີ-ປາຊີຟິກ (PATA) ໃນປີ 1996 ແລະໄດ້ຮັບການຟື້ນຟູໂດຍຫ້ອງການປະສານງານການທ່ອງທ່ຽວແມ່ນໍ້າຂອງ (MTCO) ໃນປີ 2010.

ເວທີປາໄສສວມບົດບາດແມ່ນພື້ນຖານການຮ່ວມມືທີ່ສຳຄັນ ເພື່ອປຶກສາຫາລືກ່ຽວກັບການພັດທະນາ ແລະໂຄສະນາ, ແນໃສ່ແນະນຳອະນຸພາກພື້ນແມ່ນໍ້າຂອງເປີດກວ້າງປຽບເໝືອນສະຖານທີ່ເປັນເອກະລັກສະເພາະ, ຈັບອົກຈັບໃຈ, ປະກອບສ່ວນຊຸກຍູ້ການເຕີບໂຕແບບຍືນຍົງ ແລະໂຄສະນາຂະແໜງການທ່ອງທ່ຽວຂອງພາກພື້ນ.

ໂດຍ: ເຈິ່ນຮວ່ຽນ