ສື່ມວນຊົນສ້າງເງື່ອນໄຂເພື່ອໃຫ້ສຽງເວົ້າຂອງແນວໂຮມ ແລະປະຊາຊົນຫຍັບມໍ່ເຂົ້າໃກ້ກັບມະຫາຊົນຫຼາຍກວ່າເກົ່າ
ຕອນບ່າຍວັນທີ 16 ມິຖຸນາ, ຢູ່ຮ່າໂນ້ຍ, ຄະນະປະຈຳຄະນະພັກແນວໂຮມປະເທດຊາດ ຫວຽດນາມ, ບັນດາອົງການຈັດຕັ້ງສູນກາງ, ຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດງານພົບປະກັບບັນດາອົງການສື່ມວນຊົນເນື່ອງໃນໂອກາດສະເຫຼີມສະຫຼອງວັນສື່ມວນຊົນປະຕິວັດຫວຽດນາມ (21-6-1925/21-6-2025). ທ່ານຮອງຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ໂງມິງຫຽນ ເຂົ້າຮ່ວມງານພົບປະດັ່ງກ່າວ.
    |
 |
|
ທ່ານປະທານຄະນະກຳມະການແນວໂຮມປະເທດຊາດ ຫວຽດນາມ ໂດວັນຈຽນ ມອບດອກໄມ້ໃຫ້ການນຳບັນດາອົງການສື່ມວນຊົນ. ພາບ: vov.vn |
ເມື່ອກ່າວຄຳເຫັນໃນງານພົບປະ, ທ່ານປະທານຄະນະກຳມະການແນວໂຮມປະເທດຊາດຫວຽດນາມ ໂດວັນຈຽນ ສະເໜີໃຫ້ຕ້ອງສົ່ງເສີມການເຂົ້າຮ່ວມຂອງສື່ມວນຊົນໃນວຽກງານຕິດຕາມກວດກາ, ການໄຈ້ແຍກຕີລາຄາສັງຄົມ, ບັນດາຂົງເຂດທີ່ກ່ຽວຂ້ອງເຖິງສິດຜົນປະໂຫຍດອັນແທດຈິງຂອງປະຊາຊົນເຊັ່ນ: ສາທາລະນະສຸກ, ການສຶກສາ, ສະພາບແວດລ້ອມ, ການປ້ອງກັນຕ້ານການສໍ້ລາດບັງຫຼວງ, ປະກົດການຟຸມເຟືອຍ, ປະກົດການຫຍໍ້ທໍ້; ປະຕິຮູບການບໍລິຫານ, ການຊ່ວຍໜູນສັງຄົມ. ພ້ອມກັນນັ້ນ, ກໍຍູ້ແຮງການສື່ສານດ້ວຍຫຼາຍຮູບຫຼາຍແບບ, ຍົກສູງກຳລັງຄວາມສາມາດໃນການຫັນເປັນດີຈີຕອນໃຫ້ແກ່ອົງການສື່ມວນຊົນທ້ອງຖິ່ນ ແລະບັນດາອົງການຈັດຕັ້ງການເມືອງ - ສັງຄົມ, ສ້າງເງື່ອນໄຂເພື່ອໃຫ້ສຽງເວົ້າຂອງແນວໂຮມ ແລະປະຊາຊົນຫຍັບມໍ່ເຂົ້າໃກ້ກັບມະຫາຊົນຫຼາຍກວ່າເກົ່າ.
ທ່ານກ່າວວ່າ: “ບັນດາຜົນງານສື່ມວນຊົນໄດ້ສ່ອງແສງລົມຫາຍໃຈຂອງຊີວິດ, ຂອງປະຊາຊົນເຖິງບັນດາອົງການການນຳພັກ, ລັດ, ເຖິງມະຫາຊົນ. ຈາກນັ້ນ, ລະດົມກຳລັງໃຈ, ແຜ່ກະຈາຍນ້ຳໃຈມະຫາສາມັກຄີ ແລະຄວາມປະດິດຄິດສ້າງໃນການອອກແຮງງານທຳການຜະລິດ; ພ້ອມກັບທົ່ວພັກ, ທົ່ວປວງຊົນ, ທົ່ວກອງທັບປະຕິບັດໜ້າທີ່ທີ່ໄດ້ວາງອອກໃນໄລຍະຜ່ານມາຢ່າງສຳເລັດຜົນ”.
ຂ່າວ: ວິທະຍຸກະຈາຍສຽງຫວຽດນາມ