ພົບປະແລກປ່ຽນ, ເຊື່ອມຕໍ່ຊາວໜຸ່ມ ແລະນັກສຶກສາຫວຽດນາມ ກັບບັນດາປະເທດ

ງານມະໂຫລານມີການເຂົ້າຮ່ວມຂອງຜູ້ແທນທີ່ມາຈາກຫວຽດນາມ ແລະ 11 ປະເທດ. ພາບ: qdnd.vn

ມີຜູ້ແທນຂອງຫວຽດນາມ ແລະ 11 ປະເທດ ເກືອບ 200 ຄົນ ໄດ້ເຂົ້າຮ່ວມວາລະປຶກສາຫາລືຫົວເລື່ອງສະເພາະກ່ຽວກັບການເສີມຂະຫຍາຍບົດບາດ, ຄວາມຮັບຜິດຊອບຂອງໄວໜຸ່ມໃນການປະກອບສ່ວນແກ້ໄຂບັນຫາພັດທະນາແບບຍືນຍົງ; ແນະນໍາຫົວຂໍ້ການຄົ້ນຄວ້າວິທະຍາສາດທີ່ດີເລີດຂອງນັກສຶກສາທີ່ມາຈາກບັນດາປະເທດ, ໂຄງການຝຶກແອບ "ທັກສະການເປັນຜູ້ນໍາ ໃນສະພາບແວດລ້ອມທີ່ມີຄວາມຫຼາກຫຼາຍດ້ານວັດທະນະທໍາ"; ຢ້ຽມຊົມຮາກຖານວັດທະນະທຳ, ມະຫາວິທະຍາໄລ ແລະກິດຈະກໍາສະຖາປັດຕະຍະກໍາທີ່ພົ້ນເດັ່ນ.    

ນັກສຶກສາບັນດາປະເທດ ນໍາສະເໜີບົດລາຍງານວິທະຍາສາດດີເດັ່ນທີ່ງານມະໂຫລານ. ພາບ: qdnd.vn

ງານມະໂຫລານ ແລະເວທີປາໄສມີຫຼາຍການເຄື່ອນໄຫວທີ່ແທດຈິງ, ສົ່ງເສີມການສົມທົບກັນ, ການໜູນຊ່ວຍເພື່ອເສີມຂະຫຍາຍບົດບາດເປັນເຈົ້າກໍາໃນການເຄື່ອນໄຫວ, ເປັນເຈົ້າກໍາທີ່ມີຫົວຄິດປະດິດຄິດສ້າງຂອງຊາວໜຸ່ມແຕ່ລະຄົນຢ່າງສຸດຂີດ, ສ້າງປະຊາຄົມໄວໜຸ່ມທີ່ມີຄວາມຮັບຜິດຊອບ, ມີຄວາມສຸດຈິດສຸດໃຈ ແລະອຸທິດຕົນໃຫ້ແກ່ການພັດທະນາສັງຄົມ.

ໂດຍ: ທູຈາງ