ກອງປະຊຸມນັກວິທະຍາສາດໜຸ່ມ ແລະມອບລາງວັນການປະກວດຂໍ້ລິເລີ່ມວິທະຍາສາດປີ 2023
ກປ.ອອນໄລ - ຕອນເຊົ້າວັນທີ 17 ພຶດສະພາ, ຢູ່ຮ່າໂນ້ຍ, ພາຍໃຕ້ການຊີ້ນຳຂອງກະຊວງວິທະຍາສາດ ແລະ ເຕັກໂນໂລຢີຫວຽດນາມ, ໜັງສືພິມ VnExpress ໄດ້ຈັດຕັ້ງກອງປະຊຸມນັກວິທະຍາສາດໜຸ່ມປີ 2023 ແລະພິທີມອບລາງວັນການປະກວດຂໍ້ລິເລີ່ມວິທະຍາສາດປີ 2023.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/05/18/thutrang_la/18052023-tt01-01.jpg?dpi=150&quality=100&w=500) |
ບັນດາຜູ້ແທນແລກປ່ຽນທີ່ການໂອ້ລົມສົນທະນາ. ພາບ: qdnd.vn |
ກ່າວຄຳເຫັນທີ່ກອງປະຊຸມ, ທ່ານ ຫງວຽນຮ່ວາງຢາງ ຮອງລັດຖະມົນຕີກະຊວງວິທະຍາສາດ ແລະເຕັກໂນໂລຢີຫວຽດນາມ ໃຫ້ຮູ້ວ່າ: ໄລຍະ 2021-2030, ວິໄສທັດຮອດປີ 2045, ພັກ ແລະລັດ ໄດ້ຕັ້ງຄວາມຫວັງຕໍ່ບົດບາດພື້ນຖານຂອງວິທະຍາສາດ, ເຕັກໂນໂລຢີ ແລະການປ່ຽນແປງໃໝ່ປະດິດຄິດສ້າງ; ຖືວ່ານີ້ແມ່ນ “ບຸກທະລຸຍຸດທະສາດ”, “ກໍາລັງຫຼັກ” ເພື່ອສ້າງບາດກ້າວບຸກທະລຸດ້ານສະມັດຕະພາບ, ຄຸນນະພາບ, ປະສິດທິພົນ ແລະຄວາມສາມາດແກ່ງແຍ້ງຂອງພື້ນຖານເສດຖະກິດ. ຫວຽດນາມ ສູ້ຊົນຮອດປີ 2030 ກາຍເປັນປະເທດກໍາລັງພັດທະນາທີ່ມີອຸດສາຫະກໍາທັນສະໄໝ, ມີລາຍຮັບປານກາງສູງ ແລະ ຮອດປີ 2045 ກາຍເປັນປະເທດພັດທະນາ ແລະມີລາຍຮັບສູງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2023/05/18/thutrang_la/18052023-tt01-02.jpg?dpi=150&quality=100&w=500) |
ມອບລາງວັນໃຫ້ບັນດານັກປະພັນທີ່ຍາດໄດ້ລາງວັນການປະກວດຂໍ້ລິເລີ່ມວິທະຍາສາດ ປີ 2023. ພາບ: qdnd.vn |
ທ່ານ ຫງວຽນຮ່ວາງຢາງ ເນັ້ນໜັກວ່າ ກອງປະຊຸມ ແລະພິທີມອບລາງວັນໃນມື້ນີ້ ແມ່ນສະຖານທີ່ເພື່ອໃຫ້ບັນດານັກວິທະຍາສາດ, ນັກຄຸ້ມຄອງ, ນັກປະພັນ ແລະຜູ້ຕາງໜ້າບັນດາວິສາຫະກິດ ເຊື່ອມໂຍງ, ແລກປ່ຽນ, ຮໍ່າຮຽນ ແລະຕີລາຄາບັນຫາຕົວຈິງທີ່ຫວຽດນາມ ພວມປະເຊີນໜ້າ; ຈາກນັ້ນຮ່ວມກັນຊອກຫາມາດຕະການແກ້ໄຂ, ເພື່ອໃຫ້ວິທະຍາສາດເຕັກໂນໂລຢີ ສາມາດເຂົ້າຮ່ວມຢ່າງເລິກ, ແກ້ໄຂບັນຫາທີ່ວິສາຫະກິດ ແລະສັງຄົມພວມປະສົບຢ່າງດີທີ່ສຸດ; ໜູນຊ່ວຍເພື່ອໃຫ້ວິສາຫະກິດສາມາດແກ່ງແຍ້ງໃນຕະຫຼາດ ແລະນໍາມາເຊິ່ງຄຸນຄ່າເພີ່ມທີ່ດີກວ່າ.
ໃນຂອບເຂດກອງປະຊຸມ ໄດ້ດຳເນີນວາລະປຶກສາຫາລືດ້ວຍຫົວຂໍ້ “ມາດຕະການແກ້ໄຂເພື່ອຊ່ວຍໃຫ້ວິສາຫະກິດພັດທະນາແບບຍືນຍົງ” ແລະ ພິທີມອບລາງວັນການປະກວດຂໍ້ລິເລີ່ມວິທະຍາສາດ ປີ 2023.
ໂດຍ: ທູຈາງ