ນັກສຶກສາ ກວ່າ 2.000 ຄົນ ເຂົ້າຮ່ວມວັນບຸນນັກສຶກສາກັບພາສາຕ່າງປະເທດ
ກປ.ອອນໄລ - ວັນທີ 7 ພຶດສະພາ, ວັນບຸນນັກສຶກສາກັບພາສາຕ່າງປະເທດ - English Camp ຄັ້ງທີ 7 ປີ 2022 ໄດ້ດໍາເນີນຢູ່ມະຫາວິທະຍາໄລອຸດສາຫະກໍາ ນະຄອນໂຮ່ຈີມິນ ຢ່າງຟົດຟື້ນ, ດຶງດູດນັກສຶກສາກວ່າ 2.000 ຄົນເຂົ້າຮ່ວມ.
|
|
ນັກສຶກສາເປັນຈໍານວນຫຼວງຫຼາຍເຂົ້າຮ່ວມການກວດລະດັບພາສາອັງກິດໃນວັນບຸນ. ພາບ: ທືເລ. |
ວັນບຸນໂດຍສະມາຄົມນັກສຶກສາຫວຽດນາມ ນະຄອນໂຮ່ຈີມິນ ສົມທົບກັບສູນໜູນຊ່ວຍນັກຮຽນ, ນັກສຶກສານະຄອນ ຈັດຕັ້ງ, ສ້າງສະພາບແວດລ້ອມພົບປະແລກປ່ຽນພາສາອັງກິດ, ປະກອບສ່ວນຍົກສູງທັກສະພາສາອັງກິດ, ຄົ້ນພົບສະພາບແວດລ້ອມແຫ່ງການຮໍ່າຮຽນສາກົນໃຫ້ນັກສຶກສາ. ການເຄື່ອນໄຫວທັງໝົດໃນວັນບຸນລ້ວນແຕ່ນໍາໃຊ້ພາສາອັງກິດ, ດ້ວຍຫຼາຍເນື້ອໃນທີ່ມີຄວາມໝາຍ.
ໃນນັ້ນ, ນັກສຶກສາຕ້ອງຜ່ານການກວດໄວລະດັບພາສາອັງກິດ, ໂອ້ລົມກັບຄູສອນ, ນັກສຶກສາຕ່າງປະເທດ, ແບ່ງປັນບົດຮຽນໃນການຮໍ່າຮຽນ, ແນະນໍາວັດທະນະທໍາ ບັນດາປະເທດໃນໂລກ... ໃນຂອບເຂດວັນບຸນ, ຍັງມີຮ້ານແນະໜໍາບັນດາສູນກໍ່ສ້າງພາສາອັງກິດ, ບັນດາການເສັງພາສາອັງກິດ, ໃຫ້ຄຳປຶກສາກ່ຽວກັບວິທີຮຽນພາສາອັງກິດ.
ໂດຍ: ຈາງຫງວຽນ