ນັກສອບເສັງຫວຽດນາມ 24 ຄົນເຂົ້າຮ່ວມການແຂ່ງຂັນ Olympic ສາກົນປີ 2020 ລ້ວນແຕ່ຍາດໄດ້ລາງວັນ
ກປ.ອອນໄລ - ຕາມການສະຖິຕິຂອງກະຊວງສຶກສາ ແລະບໍາລຸງສ້າງຫວຽດນາມ ແລ້ວ, ປີ 2020, ເຖິງວ່າປະສົບກັບຄວາມຫຍຸ້ງຍາກຍ້ອນຜົນສະທ້ອນຂອງພະຍາດໂຄວິດ-19, ແຕ່ຄຸນນະພາບການສຶກສາປາຍແຫຼມ, ພິເສດແມ່ນການບໍາລຸງໃຫ້ນັກຮຽນເກັ່ງເຂົ້າຮ່ວມການສອບເສັງສາກົນສືບຕໍ່ມີການເຕີບໂຕ.
ນັກສອບເສັງຫວຽດນາມ 24 ຄົນເຂົ້າຮ່ວມການແຂ່ງຂັນ Olympic ສາກົນ ແລະພາກພື້ນລ້ວນແຕ່ຍາດໄດ້ລາງວັນ, ດ້ວຍຫຼຽນຄໍາ 9 ຫຼຽນ, ຫຼຽນເງິນ 8 ຫຼຽນ, ຫຼຽນທອງ 5 ຫຼຽນ ແລະໃບຍ້ອງຍໍ 2 ໃບ. ເປັນໜ້າເອົາໃຈໃສ່ແມ່ນມີນັກສອບເສັງ 4/4 ຄົນທີ່ເຂົ້າຮ່ວມການແຂ່ງຂັນ Olympic ວິຊາເຄມີສາດສາກົນປີ 2020 ລ້ວນແຕ່ຍາດໄດ້ຫຼຽນຄໍາ. ຢືນອັນດັບທີ 2 ໃນບັນດາທີມເຂົ້າຮ່ວມການແຂ່ງຂັນ.
|
|
ນັກສອບເສັງ 4 ຄົນຂອງທີມຫວຽດນາມ ເຂົ້າຮ່ວມການແຂ່ງຂັນ Olympic ວິຊາເຄມີສາດສາກົນປີ 2020 ລ້ວນແຕ່ຍາດໄດ້ຫຼຽນຄໍາ. ພາບ: vietnamnet.vn. |
ຕາມການຕີລາຄາຂອງກະຊວງສຶກສາ ແລະບໍາລຸງສ້າງແລ້ວ, ຜົນງານຂອງບັນດາທີມນັກຮຽນຫວຽດນາມ ເຂົ້າຮ່ວມການແຂ່ງຂັນ Olympic ສາກົນ ແລະພາກພື້ນໃນໄລຍະແຕ່ປີ 2016 ມາຮອດປະຈຸບັນໄດ້ຮັບການຍົກສູງເທື່ອລະກ້າວ. ປີ 2016, ທົ່ວປະເທດມີນັກຮຽນ 36/37 ຄົນເຂົ້າຮ່ວມການແຂ່ງຂັນ Olympic ສາກົນ ແລະພາກພື້ນຍາດໄດ້ລາງວັນ; ປີ 2018 ແລະ 2019 ມີນັກຮຽນ 38/38 ຄົນ ຍາດໄດ້ລາງວັນ.
ໂດຍ: ທະນາພອນ