ງານບຸນລົງທົ່ງຂອງປະຊາຊົນບັນດາເຜົ່າຖືກຈັດຂຶ້ນຢູ່ຫຼາຍແຫ່ງ
ວັນທີ 29 ມັງກອນນີ້, ປະຊາຊົນ ແລະ ນັກທ່ອງທ່ຽວເປັນຈຳນວນຫຼວງຫຼາຍໄດ້ເຕົ້າໂຮມກັນຢູ່ທົ່ງນາ ຕາແສງ ເມື່ອງກາງ, ເມືອງ ທານອວຽນ, ແຂວງລາຍເຈົາ ເພື່ອເຂົ້າຮ່ວມງານບຸນລົງທົ່ງຂອງຊາວເຜົ່າຜູ້ໄທ.
    |
 |
|
ຜູ້ຕາງໜ້າອຳນາດການປົກຄອງ ແລະ ຊາວບ້ານພ້ອມກັນລົງທົ່ງນາ ເພື່ອດຳເນີນການໄຖນາ ແລະ ຫວ່ານກ້າ. ພາບ: vov.vn |
ພິທີດັ່ງກ່າວປະກອບດ້ວຍຫຼາຍຂັ້ນຕອນເຊັ່ນ: ພິທີບູຊານາງຮັນ (ຜູ້ຈາກສະຫວັນຊັ້ນຟ້າຖືກຈັດສົ່ງມາຍັງໂລກມະນຸດເພື່ອຊ່ວຍປະຊາຊົນຕໍ່ສູ້ຕ້ານສັດຕູຜູ້ຮຸກຮານ, ປ້ອງກັນປະເທດ; ພິທີໄຫວ້ບູຊາພະອໍລະຫັນຜູ້ກໍ່ຕັ້ງໝູ່ບ້ານ, ພິທີໄຫວ້ບູຊາເຈົ້າປ່າ, ເຈົ້າພູ... ຕໍ່ຈາກນັ້ນ ແມ່ນຂັ້ນຕອນຈັດງານບຸນ, ຜູ້ຕາງໜ້າອຳນາດການປົກຄອງ ແລະ ຊາວບ້ານພ້ອມກັນລົງທົ່ງນາ ເພື່ອດຳເນີນການໄຖນາ ແລະ ຫວ່ານກ້າ, ຫວັງໃຫ້ປີໃໝ່ ດິນຟ້າອາກາດອຳນວຍຄວາມສະດວກ. ນອກນີ້, ຍັງມີການຫຼີ້ນເກມພື້ນເມືອງຄື: ໂຍນໝາກຄອນ, ຍິງທະນູ, ດຶງເຊືອກ, ສະແດງສິລະປະ…
ກໍໃນວັນດຽວກັນ, ຢູ່ເມືອງ ຈຽມຮວ່າ, ແຂວງ ຕວຽນກວາງ ໄດ້ຈັດຕັ້ງງານບຸນລົງທົ່ງ ອັນໄດ້ດຶງດູດປະຊາຊົນ ແລະ ນັກທ່ອງທ່ຽວນັບພັນຄົນເຂົ້າຮ່ວມ.
ແຫຼ່ງຄັດຈາກ: vovworld.vn