ພົບປະແລກປ່ຽນຄອບຄົວຫວຽດນາມ ກັບນັກສຶກສາລາວ, ກໍາປູເຈຍ
ກປ.ອອນໄລ - ວັນທີ 29 ຕຸລາ, ສະມາຄົມນັກຮົບເກົ່ານະຄອນໂຮ່ຈີມິນ ໄດ້ສົມທົບກັບກອງບັນຊາການທະຫານນະຄອນໂຮ່ຈີມິນ ຈັດຕັ້ງລາຍການ “ຄອບຄົວຫວຽດນາມ ກັບນັກສຶກສາລາວ, ກໍາປູເຈຍ ທີ່ພວມຮໍ່າຮຽນຢູ່ນະຄອນໂຮ່ຈີມິນ” ຢູ່ເຂດປູຊະນີຍະສະຖານປະຫວັດສາດອຸໂມງໃຕ້ດິນກູຈີ.
|
|
ຄະນະຈັດຕັ້ງມອບຂອງຂວັນທີ່ລະນຶກໃຫ້ນັກສຶກສາລາວ, ກໍາປູເຈຍ ຢູ່ທີ່ລາຍການ. ພາບ: ໂດ້ຟຸ. |
ບັນດາຜູ້ແທນ, ຄອບຄົວຫວຽດນາມ ພ້ອມກັບນັກສຶກສາລາວ, ກໍາປູເຈຍ ແລະພະນັກງານ, ນັກຮົບກອງພັນໃຫຍ່ຢາດິ່ງ ໄດ້ຖະຫວາຍທູບທຽນອາໄລຫາບັນດາວິລະຊົນນັກຮົບທີ່ເສຍສະຫຼະຊີວິດເພື່ອຊາດ, ຮັບຟັງການແນະນໍາ ແລະຊົມຮູບເງົາສາລະຄະດີ, ຢ້ຽມຢາມເຂດປູຊະນີຍະສະຖານປະຫວັດສາດອຸໂມງໃຕ້ດິນກູຈີ... ບັນດາຜູ້ແທນພ້ອມກັນເຂົ້າຮ່ວມ “ການພົບປະແລກປ່ຽນມິດຕະພາບນັກຮົບເກົ່ານະຄອນໂຮ່ຈີມິນ ກັບນັກສຶກສາລາວ-ກໍາປູເຈຍ ແລະນັກຮົບກອງພັນໃຫຍ່ຢາດິ້ງ”, ຊົມລາຍການສະແດງສິລະປະທີ່ເປັນມູນເຊື້ອຂອງນັກສຶກສາລາວ, ກໍາປູເຈຍ. ລາຍການແມ່ນເພື່ອແນໃສ່ສ້າງສະພາບແວດລ້ອມຕິດພັນກັບອາລົມຈິດຄວາມຮັກແພງ, ຍົກສູງຄວາມເຂົ້າໃຈໃຫ້ນັກສຶກສາລາວ, ກໍາປູເຈຍ ກ່ຽວກັບປະເທດ, ປະຊາຊົນ, ວັດທະນະທໍາ, ປະຫວັດສາດມູນເຊື້ອຂອງຫວຽດນາມ.
ໂດຍ: ຈາງຫງວຽນ