ຫວຽດນາມ ແລະຊາອຸດິ ອາຣາເບຍ ປຶກສາຫາລືກ່ຽວກັບຄວາມສາມາດບົ່ມຊ້ອນ ແລະກາລະໂອກາດຮ່ວມມືໃນຂົງເຂດ Halal

ທີ່ກອງປະຊຸມ, ອົງການກ່ຽວຂ້ອງຂອງຫວຽດນາມ ແລະ SFDA ໄດ້ແລກປ່ຽນກ່ຽວກັບສະພາບການພັດທະນາຂະແໜງ Halal, ມາດຕະຖານ Halal ຂອງແຕ່ລະຝ່າຍ, ກໍ່ຄືຄວາມສາມາດບົ່ມຊ້ອນ ແລະກາລະໂອກາດຮ່ວມມືດ້ານການຄ້າ, ກະສິກຳ ແລະການອອກໃບຢັ້ງຢືນ Halal, ກຸນແຈ ເພື່ອຊ່ວຍໃຫ້ຜະລິດຕະພັນ Halal ໄດ້ແຊກຊຶມເຂົ້າຕະຫຼາດຂອງສອງປະເທດຢ່າງເລິກເຊິ່ງ ແລະມີປະສິດທິຜົນ.

ບັນດາຜູ້ແທນເຂົ້າຮ່ວມກອງປະຊຸມທາງອອນລາຍ. baoquocte.vn

ຫວຽດນາມ ກໍ່ປາດຖະໜາຢາກໃຫ້ຝ່າຍ ຊາອຸດິ ອາຣາເບຍ ສະໜອງ, ໜູນຊ່ວຍການພັດທະນາຢ່າງເປັນທາງການ ເພື່ອຊ່ວຍໃຫ້ຫວຽດນາມ ສ້າງ ແລະປັບປຸງຂໍ້ກຳນົດ ແລະກອບນິຕິກໍາກ່ຽວກັບການຄຸ້ມຄອງລັດວ່າດ້ວຍຂົງເຂດ Halal ໃຫ້ສົມບູນແບບ; ເພີ່ມທະວີການຄ້າສອງຝ່າຍກ່ຽວກັບສິນຄ້າ Halal, ເປັນຕົ້ນແມ່ນຂົງເຂດກະສິກຳ, ສິນໃນນ້ຳ ແລະສິນທະເລ ເຊິ່ງເປັນທ່າແຮງໃນການສົ່ງອອກຂອງຫວຽດນາມ ແລະສະເໜີຄວາມເປັນໄປໄດ້ຂອງການລົງນາມເອກະສານຮ່ວມມືໃນຂົງເຂດ Halal ກັບບັນດາອົງການກ່ຽວຂ້ອງຂອງ ຊາອຸດິ ອາຣາເບຍ.

ສ່ວນຝ່າຍຊາອຸດິ ອາຣາເບຍ ເຫັນດີເພີ່ມທະວີການຮ່ວມມືໃນຂົງເຂດມາດຕະຖານວັດແທກຄຸນນະພາບ; ພ້ອມແລ້ວທີ່ຈະໜູນຊ່ວຍການບຳລຸງສ້າງແຫຼ່ງຊັບພະຍາກອນມະນຸດໃນຂົງເຂດ Halal ແລະແນະນຳບັນດາສູນທີ່ມີຊື່ສຽງອອກໃບຢັ້ງຢືນ Halal ໃຫ້ບັນດາວິສາຫະກິດຫວຽດນາມ ທີ່ມີຄວາມຕ້ອງການ; ຝ່າຍຊາອຸດີ ອາຣາບີ ໃຫ້ຮູ້ວ່າ ຈະສົມທົບກັບບັນດາອົງການກ່ຽວຂ້ອງຂອງ ຝ່າຍຊາອຸດິ ອາຣາເບຍ ເພື່ອແນໃສ່ເພີ່ມທະວີການຮ່ວມມືໃນຂົງເຂດ Halal ກັບຫວຽດນາມ ໃນໄລຍະຈະມາເຖິງ.

ໂດຍ: ທູຈາງ