ກຳປັ່ນ 015-ເຈິ່ນຮືງດ້າວ ສິ້ນສຸດການຢ້ຽມຢາມຍີ່ປຸ່ນ ດ້ວຍຜົນສໍາເລັດຢ່າງຈົບງາມ

11 ທັນວາ 2025 22:38

ກປ.ອອນໄລ - ຕອນເຊົ້າວັນທີ 10 ທັນວາ, ກຳປັ່ນ 015-ເຈິ່ນຮືງດ້າວ ພ້ອມດ້ວຍຄະນະປະຕິບັດງານທະຫານເຮືອປະຊາຊົນຫວຽດນາມ ໄດ້ອອກຈາກທ່າເຮືອ Kure, ແຂວງ Hiroshima, ສິ້ນສຸດການຢ້ຽມຢາມຍີ່ປຸ່ນ ເປັນເວລາ 4 ວັນ ດ້ວຍຜົນສໍາເລັດຢ່າງຈົບງາມ.

ໃນໄລຍະການຢ້ຽມຢາມປະເທດຍີ່ປຸ່ນ, ຄະນະ ແລະຜູ້ບັນຊາການກຳປັ່ນ 015-ເຈິ່ນຮືງດ້າວ ໄດ້ເຂົ້າຢ້ຽມຂໍ່ານັບອໍານາດການປົກຄອນນະຄອນ Kure; ນາຍທະຫານ ແລະລູກເຮືອທະຫານເຮືອສອງປະເທດໄດ້ໄປຢ້ຽມຊົມກຳປັ່ນ 015-ເຈິ່ນຮືງດ້າວ ແລະກຳປັ່ນ JS Tenryu ຂອງຍີ່ປຸ່ນ, ແຂ່ງຂັນກິລາມິດຕະພາບອີກດ້ວຍ. ຄະນະຫວຽດນາມ ໄດ້ໄປຢ້ຽມຊົມທິວທັດທໍາມະຊາດ ແລະເຂດປູຊະນີຍະສະຖານປະຫວັດສາດຫຼາຍແຫ່ງຢູ່ Hiroshima. ນອກຈາກນັ້ນ, ກ່ອນທີ່ຈະເລີ່ມຕົ້ນການຢ້ຽມຢາມຢ່າງເປັນທາງການຢູ່ ສ.ເກົາຫຼີ, ກຳປັ່ນ 015-ເຈິ່ນຮືງດ້າວ ແລະກຳປັ່ນຍີ່ປຸ່ນ JS Yamagiri ໄດ້ດຳເນີນການຝຶກຊ້ອມຮ່ວມກ່ຽວກັບການຈັດວາງຮູບແຖວ ແລະການຕິດຕໍ່ສື່ສານບົນທະເລ.

ແບ່ງປັນກັບນັກຂ່າວ, ທ່ານພົນຕີ Tamotsu Matsumoto, ຜູ້ບັນຊາການເຂດ Kure, ກຳລັງປ້ອງກັນຝັ່ງທະເລຍີ່ປຸ່ນ ຖືວ່າ, ກຳປັ່ນ 015-ເຈິ່ນຮືງດ້າວ ໄດ້ເດີນທາງທີ່ຍາວໄກໃນສະພາບດິນຟ້າອາກາດບໍ່ດີ ເພື່ອໄປຮອດຍີ່ປຸ່ນ ໄດ້ສະແດງໃຫ້ເຫັນຈິດໃຈ ແລະຄວາມສາມາດຂອງທະຫານເຮືອປະຊາຊົນຫວຽດນາມ. ທ່ານ ຍັງເນັ້ນໜັກວ່າ ການພົບປະແລກປ່ຽນຢູ່ຖານທັບທະຫານເຮືອ Kure ໃນຂອບເຂດການຢ້ຽມຢາມໄດ້ຊ່ວຍເພີ່ມທະວີຄວາມເຂົ້າໃຈລະຫວ່າງນາຍທະຫານ ແລະລູກເຮືອຂອງສອງຝ່າຍ ແລະຊຸກຍູ້ການຮ່ວມມືລະຫວ່າງທະຫານເຮືອປະຊາຊົນຫວຽດນາມ ແລະກຳລັງປ້ອງກັນຝັ່ງທະເລຍີ່ປຸ່ນ.