ກ່າວຄຳເຫັນທີ່ການພົບປະເຈລະຈາ, ທ່ານນາງ Jacinda Ardern ເນັ້ນໜັກວ່າ ບັນດາວິສາຫະກິດສວມບົດບາດສຳຄັນທີ່ສຸດ ໃນການຊຸກຍູ້ການຮ່ວມມືລະຫວ່າງສອງປະເທດ. ທ່ານນາງນາຍົກລັດຖະມົນຕີ Jacinda Ardern ປາດຖະໜາວ່າ ການພົບປະເຈລະຈາຈະແມ່ນໂອກາດ ເພື່ອໃຫ້ສອງຝ່າຍແລກປ່ຽນ ແລະຍູ້ແຮງການຮ່ວມມືໃນບັນດາຂົງເຂດກະສິກຳ, ເຄື່ອງດື່ມ, ການສຶກສາ, ການບຳລຸງສ້າງ, ສາທາລະນະສຸກ, ເຕັກໂນໂລຢີ ແລະ ສິ່ງແວດລ້ອມ...

leftcenterrightdel
ບັນຍາກາດ ທີ່ການພົບປະເຈລະຈາ. ພາບ: ຫງອກທື

ທ່ານ ຫງວຽນຮົ່ງຢຽນ ລັດຖະມົນຕີກະຊວງອຸດສາຫະກຳ ແລະການຄ້າ ເນັ້ນໜັກວ່າ ສອງປະເທດມີຄວາມສາມາດບົ່ມຊ້ອນຫຼາຍຢ່າງ ເພື່ອສືບຕໍ່ເປີດກວ້າງຂະໜາດການຄ້າສອງຝ່າຍ, ໃນຕໍ່ໜ້າແມ່ນມຸ່ງໄປເຖິງຄາດໝາຍ 2 ຕື້ໂດລາສະຫະລັດ ໃນປີ 2024.  ກ່ຽວກັບການລົງທຶນ, ທ່ານລັດຖະມົນຕີ ຫງວຽນຮົ່ງຢຽນ ໃຫ້ຮູ້ວ່າ: ບັນດາວິສາຫະກິດ ນິວຊີແລນ ສາມາດຄົ້ນຄ້ວາ ແລະຮ່ວມມືລົງທຶນໃນບັນດາຂົງເຂດທີ່ ຫວຽດນາມ ມີທ່າໄດ້ປຽບ ແລະມີຄວາມຕ້ອງການພັດທະນາ ຄື: ການຫັນເປັນດີຈີຕອນ ແລະພະລັງງານທົດແທນ, ກະສິກຳເຕັກໂນໂລຢີສູງ...

ກໍ່ໃນການພົບປະເຈລະຈາ, ບັນດາວິສາຫະກິດຂອງສອງປະເທດ ໄດ້ມີບົດກ່າວປາໄສ ທີ່ມີລັກສະນະສ້າງສັນສໍາລັບສອງລັດຖະບານຫວຽດນາມ ແລະນິວຊີແລນ ເພື່ອແນໃສ່ສືບຕໍ່ຍູ້ແຮງການປັບປຸງສະພາບແວດລ້ອມແຫ່ງການລົງທຶນ ແລະດຳເນີນທຸລະກິດ, ກໍ່ຄືແບ່ງປັນກ່ຽວກັບຄວາມສາມາດບົ່ມຊ້ອນການຮ່ວມມືໃນບາງຂົງເຂດ...

ໂດຍ: ທະນາພອນ