ກ່າວຄຳເຫັນທີ່ກອງປະຊຸມ, ທ່ານ ຫງວຽນຮວ່າບິ່ງ ຮອງນາຍົກລັດຖະມົນຕີຜູ້ປະຈຳການລັດຖະບານ ຊີ້ແຈ້ງ 3 ຄຳໝັ້ນສັນຍາຂອງລັດຖະບານຫວຽດນາມ ໃນການພັດທະນາສູນການເງິນສາກົນ, ລວມມີ: ສ້າງລະບົບກົດໝາຍໂປ່ງໄສ, ທັນສະໄໝ ເພື່ອຮັບປະກັນຄວາມປອດໄພ ແລະຄວາມໄວ້ເນື້ອເຊື່ອໃຈຂອງນັກລົງທຶນ; ປະກາດໃຊ້ບັນດານະໂຍບາຍບຸລິມະສິດພິເສດສະເພາະ, ມີໄຫວພິບ ແລະແກ່ງແຍ້ງ ເພື່ອສ້າງສູນການເງິນສາກົນທີ່ດຶງດູດໃຈ, ມີຄວາມແຕກຕ່າງກັນ; ດຶງດູດ ແລະ ຮັກສານັກຊ່ຽວຊານ, ແຫຼ່ງຊັບພະຍາກອນມະນຸດທີ່ມີຄຸນນະພາບສູງ ຜ່ານການລົງທຶນກໍ່ສ້າງພື້ນຖານໂຄງລ່າງລະດັບສາກົນ. ທ່ານ ຫງວຽນຮວ່າບິ່ງ ປາດຖະໜາວ່າ WAIFC, ດ້ວຍບົດບາດ “ພາທາງ” ຂອງບັນດາສູນການເງິນສາກົນໃນສະພາບການໂລກມີການຜັນແປຫຼາຍຢ່າງນັ້ນ, ຈະແມ່ນປະຕູສຳຄັນເຊື່ອມຕໍ່ຕະຫຼາດການເງິນຫວຽດນາມ ກັບຕະຫຼາດການເງິນທົ່ວໂລກ.

leftcenterrightdel
ທ່ານ ຫງວຽນຮວ່າບິ່ງ ຮອງນາຍົກລັດຖະມົນຕີຜູ້ປະຈຳການລັດຖະບານ ກ່າວຄຳເຫັນທີ່ກອງປະຊຸມ. ພາບ: chinhphu.vn

ກໍ່ໃນວັນດຽວກັນ, ທ່ານ ຫງວຽນຮວ່າບິ່ງ ຮອງນາຍົກລັດຖະມົນຕີຜູ້ປະຈຳການລັດຖະບານ ໄດ້ພ້ອມກັບຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມປະຈຳປີ SIBOS 2025 ໂດຍສະຫະສະມາຄົມໂທລະຄົມການເງິນລະຫວ່າງທະນາຄານທົ່ວໂລກ ຈັດຂຶ້ນຢູ່ Frankfurt. ນີ້​ແມ່ນເຫດການການ​ເງິນ-​ທະນາຄານ​ສາກົນ​ໃຫຍ່​ທີ່​ສຸດ​ຂອງ​ໂລກ, ​ໂດຍ​ເຕົ້າໂຮມ​ຜູ້​ແທນ​ກວ່າ 10.000 ຄົນ​ທີ່​ມາ​ຈາກ​ທະນາຄານ​ກາງ, ອົງການຈັດຕັ້ງການ​ເງິນ, ກຸ່ມບໍລິສັດ​ເຕັກ​ໂນ​ໂລ​ຊີ ​ແລະວິ​ສາ​ຫະກິດ​ທົ່ວ​ໂລກ​ ເຂົ້າ​ຮ່ວມ. ວັນທີ 30 ກັນຍາ, ທ່ານ ຫງວຽນຮວ່າບິ່ງ ໄດ້ເປັນປະທານກອງປະຊຸມສົ່ງເສີມການລົງທຶນເຂົ້າສູນການເງິນສາກົນຫວຽດນາມ ໂດຍກະຊວງການເງິນຫວຽດນາມ ສົມທົບກັບສະຖານທູດຫວຽດນາມ ປະຈໍາເຢຍລະມັນ, ສະຖານກົງສູນໃຫຍ່ຫວຽດນາມ ປະຈໍາ Frankfurt ແລະ ຄະນະກໍາມະການປະຊາຊົນນະຄອນດ່າໜັງ ຈັດຕັ້ງ.

ຂ່າວ: ວິທະຍຸກະຈາຍສຽງຫວຽດນາມ