ຮ່າໂນ້ຍ: ພິທີພາວະນາເພື່ອສັນຕິພາບເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນເຊັນສັນຍາ ປາຣີ
ຕອນບ່າຍວັນທີ 14 ມັງກອນ, ຢູ່ວັດກວານຊື, ຮ່າໂນ້ຍ, ສູນກາງສະມາຄົມພຸດທະສາສະໜາຫວຽດນາມ ໄດ້ຈັດພິທີພາວະນາ ເພື່ອສັນຕິພາບຢ່າງສົມກຽດ, ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນເຊັນສັນຍາ ປາຣີ, ຢຸດຕິສົງຄາມ, ສ້າງສັນຕິພາບຢູ່ຫວຽດນາມ ຄືນໃໝ່.
ພະມະຫາອາຈານ ທິກແທັງຍິວ, ຮອງປະທານຜູ້ປະຈຳການສະພາບໍລິຫານງານ ສະມາຄົມພຸດທະສາສະໜາຫວຽດນາມ ພ້ອມກັບສະມາຊິກສະພາບໍລິຫານງານ ໄດ້ພ້ອມກັນຖະຫວາຍທູບທຽນ ແລະພ້ອມກັນສູດມົນ, ສະແດງຄວາມເຄົາລົບຜູ້ໄດ້ອຸທິດອາຍຸໜຸ່ມແໜ້ນ, ເລືອດເນື້ອເພື່ອເອກະລາດ, ຄວາມເປັນເອກະພາບຂອງປະເທດ.
ພິທີດັ່ງກ່າວບໍ່ພຽງແຕ່ມຸ່ງໄປເຖິງພິທີສະເຫຼີມສະຫຼອງ 50 ປີແຫ່ງວັນເຊັນສັນຍາ ປາຣີ ສິ້ນສຸດສົງຄາມຢູ່ຫວຽດນາມ ເທົ່ານັ້ນ, ຫາກບອກເຕືອນໃຫ້ຊາວຫວຽດນາມ ແຕ່ລະຄົນຄິດຮອດເຖິງໄລຍະຕໍ່ສູ້ຢ່າງພິລະອາດຫານ ເພື່ອຍາດເອົາເອກະລາດ, ຄວາມເສເລລີພາບມາໃຫ້ປະເທດຊາດ.
ຂ່າວ: ວິທະຍຸກະຈາຍສຽງຫວຽດນາມ