Viettel ນໍາໃຊ້ສູນບໍລິຫານເຄືອຂ່າຍກາງສະໜາມ ຮັບໃຊ້ການຕິດຕໍ່ສື່ສານ
ກປ.ອອນໄລ - ວັນທີ 27 ກັນຍາ, Viettel ພວມສຸມໃສ່ບັນດາມາດຕະການເຕັກໂນໂລຢີ ແລະຊັບພະຍາກອນມະນຸດ, ພາຫະນະ, ສ້າງແຜນການເພື່ອປ້ອງກັນ, ຕ້ານພາຍຸລູກທີ 4 (ຊື່ສາກົນແມ່ນ Noru).
ເພື່ອໃຫ້ວຽກງານບໍລິຫານບັນລຸປະສິດທິຜົນ, ທັນການ ແລະປະຢັດແຫຼ່ງກໍາລັງຮັບມືກັບພາຍຸ, Viettel ໄດ້ລະດົມບຸກຄະລາກອນ, ອຸປະກອນເຕັກນິກ ເພື່ອນໍາໃຊ້ໃນ “ສູນບໍລິຫານເຄືອຂ່າຍ (NOC) ກາງສະໜາມ” ຢູ່ 11 ແຂວງ, ນະຄອນ ທີ່ອາດຈະໄດ້ຮັບຜົນສະທ້ອນຈາກພາຍຸ.
|
|
Viettel ໄດ້ລະດົມບຸກຄະລາກອນ, ອຸປະກອນເຕັກນິກ ເພື່ອນໍາໃຊ້ໃນ “ສູນບໍລິຫານເຄືອຂ່າຍ (NOC) ກາງສະໜາມ”. ພາບ: qdnd.vn |
NOC ກາງສະໜາມ ຈະປະຕິບັດການຕິດຕາມກວດກາ ແລະບໍລິຫານໂດຍກົງ ຢູ່ທ້ອງຖິ່ນຜ່ານຊອບແວ ໂດຍວິສະວະກອນຂອງ Viettel ພັດທະນາ ຄື: ຊອບແວປ້ອງກັນ, ຕ້ານໄພທໍາມະຊາດ, ຕິດຕາມກວດກາເຄືອຂ່າຍ Metro, ຕິດຕາມກວດກາບັນດາຄາດໝາຍເຄືອຂ່າຍ NetBI ເພື່ອແນໃສ່ຍົກອອກແຜນການເຄື່ອນໄຫວ ໃຫ້ພາລະກອນເຕັກນິກ.
ໃນປັດຈຸບັນ, Viettel ແມ່ນກົມກອງ ຮັບປະກັນການຕິດຕໍ່ສື່ສານໃຫ້ຄະນະຊີ້ນໍາຢູ່ແນວໜ້າຮັບມືກັບພາຍຸ Noru ຕາມການຊີ້ນໍາຂອງກະຊວງຖະແຫຼງຂ່າວ ແລະສື່ສານຫວຽດນາມ.
ໂດຍ: ທູຈາງ