6 ເດືອນຕົ້ນປີ, Viettel ບັນລຸການເຕີບໂຕສູງສຸດໃນຮອບ 4 ປີ
ກປ.ອອນໄລ - ວັນທີ 9 ສິງຫາ, ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ໃຫ້ຮູ້ວ່າ ຜົນແຫ່ງການດໍາເນີນທຸລະກິດໃນ 6 ເດືອນຕົ້ນປີ 2022, Viettel ບັນລຸການເຕີບໂຕ 2 ຕົວເລກ. ນີ້ແມ່ນລະດັບເຕີບໂຕສູງສຸດ ເຊິ່ງ Viettel ບັນລຸໄດ້ໃນຮອບ 4 ປີມານີ້.
ໃນ 6 ເດືອນ ຕົ້ນປີ 2022, ກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel) ໄດ້ສໍາເລັດຄາດໝາຍດໍາເນີນທຸລະກິດທັງໝົດ, ລາຍຮັບເພີ່ມຂຶ້ນ 6,6%; ກໍາໄລເພີ່ມຂຶ້ນ 21,7%.
|
|
ສໍານັກງານຂອງກຸ່ມບໍລິສັດ Viettel. ພາບ: ເຈິ່ນເທາະ. |
ກ່າວຄໍາເຫັນທີ່ກອງປະຊຸມປະເມີນຜົນ, ທ່ານພັນເອກພິເສດ ຕ່າວດຶກຖັ໊ງ, ປະທານທັງເປັນຜູ້ອໍານວຍການໃຫຍ່ Viettel ໃຫ້ຮູ້ວ່າ “ປີ 2022 ແມ່ນປີທີສາມທີ່ Viettel ຖະແຫຼງການຫັນເປັນບໍລິສັດເຕັກໂນໂລຢີ, ບໍລິສັດສະໜອງການບໍລິການດີຈີຕອນ. Viettel ຈະສືບຕໍ່ນໍາໜ້າໃນການໝູນໃຊ້ບັນດາເຕັກໂນໂລຢີດັ່ງກ່າວ ເພື່ອນໍາມາເຊິ່ງຄວາມຜາສຸກໃຫ້ແກ່ປະຊາຊົນ, ຄວາມວັດທະນາຖາວອນ ໃຫ້ແກ່ປະເທດຊາດ, ກາຍເປັນວິສາຫະກິດອັນດັບ 1 ກ່ຽວກັບຄວາມໝັ້ນຄົງທາງອິນເຕີແນັດ, ບັນດາຜະລິດຕະພັນຫັນປ່ຽນດີຈີຕອນ ເພື່ອກໍ່ສ້າງລັດຖະບານດີຈີຕອນ, ເສດຖະກິດດີຈີຕອນ, ສັງຄົມດີຈີຕອນ... Viettel ກໍລະດົມກໍາລັງແຮງຢູ່ພາຍໃນ ແລະນອກ Viettel, ທັງຢູ່ພາຍໃນ ແລະຕ່າງປະເທດ ເພື່ອໃຫ້ມີຜະລິດຕະພັນບຸກທະລຸ, ຄອງຕະຫຼາດ”.
ໂດຍ: ທູຈາງ