ໜູນຊ່ວຍຊາວຫວຽດນາມ ອາໄສຢູ່ກໍາປູເຈຍ ປະສົບກັບຄວາມຫຍຸ້ງຍາກພາຍຫຼັງພະຍາດໂຄວິດ-19
ກປ.ອອນໄລ - ທ່ານ ຫວູງອັກລີ໊ ຫົວໜ້າສະຖານກົງສູນໃຫຍ່ຫວຽດນາມ ປະຈໍາແຂວງ Preah Sihanouk ຕີລາຄາສູງຈິດໃຈຮັກແພງຊ່ວຍເຫຼືອກັນຂອງຜູ້ມີຈິດໃຈໃສສັດທາ, ຜູ້ອອກແຮງງານຊາວຫວຽດນາມ ອາໄສຢູ່ແຂວງ Preah Sihanouk ໄດ້ປະກອບສ່ວນບໍລິຈາກເພື່ອຊ່ວຍເຫຼືອ, ແບ່ງປັນໃຫ້ຜູ້ທີ່ປະສົບກັບຄວາມຫຍຸ້ງຍາກພິເສດໃນປະຊາຄົມ.
ຫວ່າງແລ້ວນີ້, ສະຖານກົງສູນໃຫຍ່ຫວຽດນາມ ປະຈໍາແຂວງ Preah Sihanouk ສົມທົບກັບຄະນະບໍລິຫານງານສະມາຄົມຂະແມ-ຫວຽດນາມ ແຂວງ Kampot ແລະຜູ້ມີຈິດໃຈໃສສັດທາ, ຈັດຕັ້ງການມອບຂອງຂວັນ 230 ພູດໃຫ້ຄອບຄົວ ແລະຫຼານນ້ອຍເຍົາວະຊົນເຊື້ອຊາດຫວຽດນາມ ແລະຊາວກໍາປູເຈຍ ທີ່ປະສົບກັບຄວາມຫຍຸ້ງຍາກຢູ່ບໍລິເວນແຂວງ Kampot.
|
|
ບັນດາຄອບຄົວເຊື້ອຊາດຫວຽດນາມ ແລະຊາວກໍາປູເຈຍ ປະສົບກັບຄວາມຫຍຸ້ງຍາກຢູ່ບໍລິເວນແຂວງ Kampot, ກໍາປູເຈຍ ມາຮັບເຄື່ອງຊ່ວຍເຫຼືອ. ພາບ: ສໍານັກຂ່າວສານຫວຽດນາມ. |
ຕາງໜ້າໃຫ້ປະຊາຄົມປະເທດປະຈໍາຖິ່ນ, ທ່ານ Por Suon ປະທານຕາແສງ Trey Koh, ນະຄອນ Kampot, ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ການຊ່ວຍເຫຼືອອັນໃຫຍ່ຫຼວງຂອງພັກ, ລັດ ແລະປະຊາຊົນຫວຽດນາມ ທີ່ມີຕໍ່ກັບປະຊາຊົນກໍາປູເຈຍ, ພ້ອມທັງຢ້ັງຢືນວ່າຈະສືບຕໍ່ສ້າງເງື່ອນໄຂສະດວກເພື່ອໃຫ້ພໍ່ແມ່ປະຊາຊົນເຊື້ອຊາດຫວຽດນາມ ຢູ່ທ້ອງຖິ່ນພັດທະນາ, ປະກອບສ່ວນຮັກສານໍ້າໃຈມິດຕະພາບລະຫວ່າງສອງປະເທດກໍາປູເຈຍ-ຫວຽດນາມ.
|
|
ທ່ານ ຫວູງອັກລີ໊ ຫົວໜ້າສະຖານກົງສູນໃຫຍ່ຫວຽດນາມ ປະຈໍາ ແຂວງ Preah Sihanouk, ກໍາປູເຈຍ ແລະການນໍາອໍານາດການປົກຄອງ. ພາບ: ສໍານັກຂ່າວສານຫວຽດນາມ. |
ທ່ານ ຫວູງອັກລີ໊ ຫົວໜ້າສະຖານກົງສູນໃຫຍ່ ຕີລາຄາສູງຈິດໃຈຮັກແພງຊ່ວຍເຫຼືອກັນຂອງຜູ້ມີຈິດໃຈໃສສັດທາ, ຜູ້ອອກແຮງງານຊາວຫວຽດນາມ ອາໄສຢູ່ແຂວງ Preah Sihanouk ໄດ້ປະກອບສ່ວນບໍລິຈາກເພື່ອຊ່ວຍເຫຼືອ, ແບ່ງປັນກັບຜູ້ທີ່ປະສົບກັບຄວາມຫຍຸ້ງຍາກພິເສດໃນປະຊາຄົມ. ໃນໄລຍະຈະມາເຖິງ, ສະຖານກົງສູນໃຫຍ່ຈະສືບຕໍ່ສົມທົບກັບຄະນະບໍລິຫານງານສະມາຄົມຂະແມ-ຫວຽດນາມ ບັນດາແຂວງຢູ່ບໍລິເວນສືບຕໍ່ຜັນຂະຫຍາຍການເຄື່ອນໄຫວທີ່ມີຄວາມໝາຍ, ໜູນຊ່ວຍປະຊາຄົມ.
ໂດຍ: ໄຊນີດາ