ລັດຖະບານ ຮຽກຮ້ອງໃຫ້ບັນດາທ້ອງຖິ່ນເພີ່ມທະວີວຽກງານປ້ອງກັນ, ຕ້ານພະຍາດໝາກສຸກລີງ
ວັນທີ 1 ສິງຫາ, ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ ໄດ້ເຊັນໂທລະເລກ ຂອງນາຍົກລັດຖະມົນຕີ ຮຽກຮ້ອງໃຫ້ບັນດາກະຊວງ, ຂະແໜງການທີ່ກ່ຽວຂ້ອງ ແລະທ້ອງຖິ່ນຕ່າງໆ ເພີ່ມທະວີວຽກງານປ້ອງກັນ, ຕ້ານພະຍາດໝາກສຸກລີງ.
|
|
ພະຍາດໝາກສຸກລີງ. ພາບ: ສໍານັກຂ່າວສານຫວຽດນາມ |
ຕາມນັ້ນແລ້ວ, ນາຍົກລັດຖະມົນຕີ ຮຽກຮ້ອງໃຫ້: ຄະນະກຳມະການປະຊາຊົນບັນດາແຂວງ, ນະຄອນຂຶ້ນກັບສູນກາງ ລະດົມທຸກຂັ້ນ, ຂະແໜງການ, ໝູ່ຄະນະເຂົ້າຮ່ວມວຽກງານປ້ອງກັນ, ຕ້ານພະຍາດໝາກສຸກລີງ; ຕິດຕາມພະຍາດຢູ່ດ່ານຊາຍແດນໃນວົງຄະນະຍາດ, ກວດພົບຜູ້ຕິດພະຍາດຢ່າງວ່ອງໄວ, ປິ່ນປົວຢ່າງທັນການ, ຈຳກັດຜູ້ເສຍຊີວິດຢູ່ໃນລະດັບຕ່ຳສຸດ, ແກ້ໄຂເຂດເກີດພະຍາດ; ກະກຽມຢຸກຢາ, ອຸປະກອນ, ບ້ວງລາຍຈ່າຍ ເພື່ອຜັນຂະຫຍາຍມາດຕະການປ້ອງກັນ, ຕ້ານໂລກລະບາດ, ຮັບ ແລະປິ່ນປົວບັນດາກໍລະນີຕິດພະຍາດ.
ສຳລັບກະຊວງສາທາລະນະສຸກ, ຕ້ອງຕິດຕາມຢ່າງແໜ້ນແຟ້ນ, ອັບເດດຂໍ້ມູນສະພາບການພະຍາດ, ຄຳກ່າວເຕືອນຂອງອົງການອະນາໄມໂລກ (WHO) ເພື່ອເປັນເຈົ້າການມີມາດຕະການປ້ອງກັນ, ຕ້ານພະຍາດ, ປິ່ນປົວຢ່າງມີປະສິດທິຜົນ ແລະທັນການ.
ໂດຍ: ວິທະຍຸກະຈາຍສຽງຫວຽດນາມ