ນະຄອນໂຮ່ຈີມິນ ເປີດລາຍການອາສາສະໝັກລະດູແລ້ງ ປີ 2022
ກປ.ອອນໄລ - ຕອນເຊົ້າວັນທີ 5 ມິຖຸນາ, ທີ່ຖະໜົນຍ່າງຫງວຽນເຫວ້ (ນະຄອນໂຮ່ຈີມິນ), ຄະນະຊາວໜຸ່ມນະຄອນ, ສະຫະພັນຊາວໜຸ່ມຫວຽດນາມນະຄອນໂຮ່ຈີມິນ ແລະສະມາຄົມນັກສຶກສາຫວຽດນາມນະຄອນໂຮ່ຈີມິນ ໄດ້ຈັດການເປີດລາຍການອາສາສະໝັກລະດູແລ້ງ ປີ 2022.
ລາຍການອາສາສະໝັກລະດູແລ້ງ ປີ 2022 ຂອງໄວໜຸ່ມນະຄອນໂຮ່ຈີມິນ ມີການເຂົ້າຮ່ວມຂອງນັກຮົບອາສາສະໝັກກວ່າ 360.000 ເທື່ອຄົນ, ໄດ້ຮັບການຜັນຂະຫຍາຍ ແຕ່ວັນທີ 5 ມິຖຸນາ ຫາວັນທີ 15 ສິງຫາ.
|
|
ລາຍການສະແດງສິລະປະທີ່ພິທີເປີດ. ພາບ: ຮຸ່ງຄວາ. |
ປີນີ້, ບັນດາລາຍການອາສາສະໝັກລະດູແລ້ງ ສືບຕໍ່ປະຕິບັດ “3 ຮ່ວມ”: ຮ່ວມວັນຈຸດສູງ, ຮ່ວມເປົ້າໝາຍ, ຮ່ວມກິດຈະການ. ຄຽງຂ້າງນັ້ນ, ແຕ່ລະລາຍການອາສາສະໝັກລະດູແລ້ງ ກໍກໍານົດເປົ້າໝາຍສະເພາະ, ກິດຈະການສະເພາະ. ບໍລິເວນເຄື່ອນໄຫວດໍາເນີນໂດຍສຸມໃສ່ຢູ່ 21 ເມືອງ ແລະນະຄອນຖຸດຶກ ຂອງນະຄອນໂຮ່ຈີມິນ. ນອກຈາກນັ້ນ, ຍັງຈັດກໍາລັງທີ່ບັນດາແຂວງ ຢູ່ເຂດຕາເວັນອອກພາກໃຕ້, ໄຕງວຽນ, ເຂດທົ່ງພຽງແມ່ນໍ້າຂອງທາງພາກໃຕ້ຫວຽດນາມ, ເມືອງເກາະຝຸກຸຍ (ແຂວງບິ່ງຖ້ວນ) ແລະປະເທດເພື່ອນລາວ.
ພາຍຫຼັງພິທີເປີດ ຢູ່ຂັ້ນນະຄອນ, ນັກຮົບອາສາສະໝັກຂອງບັນດາລາຍການ ໄດ້ເຂົ້າຮ່ວມຫຼາຍການເຄື່ອນໄຫວວັນຈຸດສູງ “ນັກຮົບອາສາສະໝັກເພື່ອສິ່ງແວດລ້ອມນະຄອນ” ຕອບສະໜອງວັນສິ່ງແວດລ້ອມໂລກ (ວັນທີ 5 ມິຖຸນາ).
ໂດຍ: ຈາງຫງວຽນ