ເປັນມື້ທີ 3 ຢ່າງລຽນຕິດ ທີ່ຮ່າໂນ້ຍ ຢັ້ງຢືນມີຜູ້ຕິດເຊື້ອໂຄວິດ-19 ຫຼາຍກ່ວາໝູ່ເມື່ອທຽບໃສ່ທ້ອງຖິ່ນຕ່າງໆໃນທົ່ວປະເທດ
ໃນ24 ຊົ່ວໂມງທີ່ຜ່ານມາ, ນັບແຕ່ເວລາ 16 ໂມງຂອງວັນທີ 21 ທັນວາ ຫາ ເວລາ 16 ໂມງຂອງວັນທີ 22 ທັນວາ, ຫວຽດນາມ ຢັ້ງຢືນມີຜູ້ຕິດເຊື້ອໂຄວິດ-19 ໃໝ່ 16.555 ຄົນ, ໃນນັ້ນ ມີ 33 ກໍລະນີມາຈາກຕ່າງປະເທດ.
ສະເພາະຢູ່ຮ່າໂນ້ຍ ມີຜູ້ຕິດເຊື້ອໂຄວິດ-19 ຈຳນວນ 1.646 ຄົນ. ເປັນອັນວ່າ ມາຮອດປະຈຸບັນ, ຫວຽດນາມ ມີຜູ້ຕິດເຊື້ອໂຄວິດ-19 ລວມທັງໝົດ 1.588.335 ຄົນ
ວັນທີ 22 ທັນວາ, ຫວຽດນາມ ມີຜູ້ຕິດເຊື້ອໂຄວິດ-19 ຈຳນວນ 13.394 ຄົນ ໄດ້ຮັບການປິ່ນປົວຫາຍດີ, ອັນໄດ້ຍົກຍອດຈຳນວນຜູ້ຕິດເຊື້ອໂຄວິດ-19 ໄດ້ຮັບການປິ່ນປົວຫາຍດີຂຶ້ນເປັນ 1.173.484 ຄົນ. ໃນວັນດຽວກັນ, ຫວຽດນາມ ຢັ້ງຢືນມີຜູ້ຕິດເຊື້ອຖືກເສຍຊີວິດ 210 ຄົນ.
ໄລ່ຮອດຕອນແລງວັນທີ 22 ທັນວາ, ຫວຽດນາມ ສັກວັກຊິນກັນໂຄວິດ-19 ໄດ້ຫຼາຍກວ່າ 141 ລ້ານໂດສ. ປະຈຸບັນອັດຕາການສັກວັກຊິນຢ່າງໜ້ອຍ 1 ເຂັມ ແມ່ນ 97% ແລະ ອັດຕາການສັກວັກຊິນ 2 ເຂັມແມ່ນ 84,3% ຈຳນວນປະຊາກອນໄວ 18 ປີຂຶ້ນໄປ.
ແຫຼ່ງຄັດຈາກ: vovworld.vn