VNPT ແລະ Viettel ຜັນຂະຫຍາຍການຕິດຕັ້ງລະບົບກາເມຣາຕິດຕາມຢູ່ເຂດຈໍາ ກັດບໍລິເວນ
ກປ.ອອນໄລ - ກະຊວງຖະແຫຼງຂ່າວ ແລະສື່ສານ ຫາກໍ່ປະກາດໃຊ້ເອກະສານ ທາງການສົ່ງເຖິງຄະນະກຳມະການປະຊາຊົນບັນດາແຂວງ, ນະຄອນຂຶ້ນກັບສູນກາງ ແລະພະແນກຖະແຫຼງຂ່າວ ແລະສື່ສານບັນດາແຂວງ, ນະຄອນກ່ຽວກັບການປະຕິບັດສານທາງການສະບັບເລກທີ 597/CĐ-BCD ກ່ຽວຂ້ອງເຖິງລະບົບກາເມຣາຕິດຕາມຢູ່ເຂດຈໍາກັດບໍລິເວນເພື່ອປ້ອງກັນ ແລະຕ້ານພະຍາດໂຄວິດ-19.
ຕາມນັ້ນແລ້ວ, ສະເໜີຄະນະກຳມະການປະຊາຊົນບັນດາແຂວງ, ນະຄອນ “ກວດກາຄືນພື້ນຖານວັດຖຸຢູ່ເຂດຈໍາກັດບໍລິເວນຮັບປະກັນການຕິດຕາມກວດກາຜູ້ຖືກກັກຕົວຢ່າງເຄັ່ງຄັດ; ບັນດາເຂດຈໍາກັດບໍລິເວນຕ້ອງມີກາເມຣາ ເພື່ອຕິດຕາມຜູ້ຖືກກັກຕົວໃນການປະຕິບັດບັນດາມາດຕະການປ້ອງກັນ, ຕ້ານພະຍາດໂຄວິດ-19 ຕາມຂໍ້ກຳນົດ, ບັນດາກາເມຣາຕິດຕາມຕ້ອງນຳໃຊ້ຕະຫຼອດ 24/24 ຊົ່ວໂມງ, ເຊື່ອມຕໍ່ກັບລະບົບຕິດຕາມໂດຍກະຊວງຖະແຫຼງຂ່າວ ແລະສື່ສານແຕ່ງຕັ້ງ”.
|
|
ວິເຄາະກວດໂຄວິດ-19. ພາບປະກອບ/ພາບ: ກະຊວງສາທາລະນະສຸກ. |
ກະຊວງຖະແຫຼງຂ່າວ ແລະສື່ສານໄດ້ຊີ້ນຳບັນດາວິສາຫະກິດໂທລະຄົມມະນາຄົມລວມທັງ: ກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ (Viettel) ແລະກຸ່ມບໍລິສັດໄປສະນີ ໂທລະຄົມມະນາຄົມຫວຽດນາມ (VNPT) ກໍ່ສ້າງລະບົບຕິດຕາມ ແລະສົມທົບກັບພະແນກຖະແຫຼງຂ່າວ ແລະສື່ສານບັນດາແຂວງ, ນະຄອນ ເພື່ອຜັນຂະຫຍາຍການສຳຫຼວດ ແລະເຊື່ອມຕໍ່ລະບົບກາເມຣາຕິດຕາມຢູ່ເຂດຈໍາກັດບໍລິເວນກັບລະບົບຕິດຕາມລວມສູນໂດຍກະຊວງຖະແຫຼງຂ່າວ ແລະສື່ສານແຕ່ງຕັ້ງ.
ໃນວິວັດການສຳຫຼວດ ແລະປະຕິບັດການເຊື່ອມຕໍ່, ສະເໜີໃຫ້ຮັບປະກັນການປະຕິບັດຂໍ້ກຳນົດກ່ຽວກັບການປ້ອງກັນ, ຕ້ານພະຍາດຕາມຂໍ້ກໍານົດ ແລະຂໍ້ກ່າວເຕືອນຂອງຄະນະກຳມະການຊີ້ນຳແຫ່ງຊາດປ້ອງກັນ, ຕ້ານພະຍາດໂຄວິດ-19, ກະຊວງສາທາລະນະສຸກ.
ຍ້ອນສະພາບປ້ອງກັນ, ຕ້ານພະຍາດຮີບດ່ວນ, ກະຊວງຖະແຫຼງຂ່າວ ແລະສື່ສານ ໄດ້ຮຽກຮ້ອງໃຫ້ຄະນະກຳມະການປະຊາຊົນບັນດາແຂວງ, ນະຄອນ ຂຶ້ນກັບສູນກາງ ແລະພະແນກຖະແຫຼງຂ່າວ ແລະສື່ສານບັນດາແຂວງ, ນະຄອນຜັນຂະຫຍາຍໂດຍໄວ, ສູ້ຊົນເພື່ອໃຫ້ການເຊື່ອມຕໍ່ກັບລະບົບຕິດຕາມລວມສູນສຳເລັດກ່ອນວັນທີ 10 ພຶດສະພາ 2021.
ໂດຍ: ທະນາພອນ