AMRO: ຫວຽດນາມ ຮັບມືຕໍ່ສະພາບການປັ່ນປ່ວນດ້ານເສດຖະກິດໄດ້ເປັນຢ່າງດີ
ກປ.ອອນໄລ - ບົດລາຍງານ AREO ຄາດຄະເນວ່າ ລະດັບເຕີບໂຕ GDP ຕົວຈິງຂອງຫວຽດນາມ ໃນປີ 2026 ຈະແມ່ນ 7,4% ແລະ ປີ 2027 ຈະແມ່ນ 7,1%.
    |
 |
|
ທ່ານ Dong He, ຫົວໜ້ານັກເສດຖະກິດຂອງ AMRO ຢືນຢັນວ່າ ຫວຽດນາມ ໄດ້ແກ້ໄຂສະພາບການປັ່ນປ່ວນດ້ານພາສີອາກອນເມື່ອປີ 2025 ໄດ້ເປັນຢ່າງດີ. ພາບ: ສໍານັກຂ່າວສານຫວຽດນາມ. |
ບົດລາຍງານປະຈຳປີທ່າອ່ຽງສະພາບເສດຖະກິດພາກພື້ນ ອາຊຽນ + 3 (AREO) ປີ 2026 ເນັ້ນໜັກວ່າ ຫວຽດນາມ ພວມຮັບມືຕໍ່ບັນດາການຜັນແປຂອງພາກພື້ນ ແລະໃນໂລກ ໄດ້ເປັນຢ່າງດີ, ເຊື່ອມໂຍງເຂົ້າໃນບັນດາລະບົບຕ່ອງໂສ້ການສະໜອງຢ່າງວ່ອງໄວ ແລະພົ້ນເດັ່ນຂຶ້ນ ຄືດັ່ງຈຸດນັດພົບແຖວໜ້າໃຫ້ແກ່ການລົງທຶນໂດຍກົງຈາກຕ່າງປະເທດ (FDI).
ບົດລາຍງານດັ່ງກ່າວໄດ້ປະກາດທີ່ການປະຊຸມຖະແຫຼງຂ່າວຂອງຫ້ອງການຄົ້ນຄວ້າເສດຖະກິດມະຫາພາກ ອາຊຽນ + 3, ລວມມີບັນດາປະເທດຂຶ້ນກັບ ອາຊຽນ ກັບ 3 ຄູ່ຮ່ວມມື ຈີນ, ຍີ່ປຸ່ນ ແລະ ສ.ເກົາຫຼີ (AMRO). ທີ່ເຫດການຈັດຂຶ້ນໃນວັນທີ 6 ເມສາ, ທ່ານ Dong He, ຫົວໜ້ານັກເສດຖະກິດຂອງ AMRO ຢືນຢັນວ່າ ຫວຽດນາມ ໄດ້ແກ້ໄຂສະພາບການປັ່ນປ່ວນດ້ານພາສີອາກອນເມື່ອປີ 2025 ໄດ້ເປັນຢ່າງດີ ແລະ ຫວັງວ່າ ຫວຽດນາມ ຈະສືບຕໍ່ແມ່ນພື້ນຖານເສດຖະກິດເຕີບໂຕໄວທີ່ສຸດ ຢູ່ພາກພື້ນໃນປີ 2026.
ບົດລາຍງານ AREO ຄາດຄະເນວ່າ ລະດັບເຕີບໂຕ GDP ຕົວຈິງຂອງ ຫວຽດນາມ ໃນປີ 2026 ຈະແມ່ນ 7,4% ແລະ ປີ 2027 ຈະແມ່ນ 7,1%.
ໂດຍ: ກວຽດເຕິມ