ໃນຂົງເຂດການລົງທຶນ, ທ່ານ ຫງວຽນຈີ໋ຢູງ ຮອງນາຍົກລັດຖະມົນຕີ ປາດຖະໜາວ່າ ອີຕາລີ ມີທັດສະນະຕໍ່ກັບບັນດາຄູ່ຮ່ວມມືທີ່ຍັງເຫຼືອຂອງສະຫະພາບ ເອີລົບ (ອີຢູ) ເພື່ອໃຫ້ສັດຕະຍາບັນສັນຍາປົກປ້ອງການລົງທຶນ ອີຢູ - ຫວຽດນາມ (EVIPA) ໂດຍໄວ; ສົ່ງເສີມບັນດາວິສາຫະກິດອີຕາລີ ເປີດກວ້າງການລົງທຶນຢູ່ ຫວຽດນາມ.

leftcenterrightdel
ທ່ານ ຫງວຽນຈີ໋ຢູງ ຮອງນາຍົກລັດຖະມົນຕີຫວຽດນາມ ມອບຂອງຂວັນໃຫ້ທ່ານ  Adolfo Urso  ລັດຖະມົນຕີກະຊວງວິສາຫະກິດ ແລະການຜະລິດອີຕາລີ. ພາບ: baochinhphu.vn

ກ່ຽວຂ້ອງເຖິງການຮ່ວມມືດ້ານການຄ້າ, ສອງຝ່າຍຄວນຊຸກຍູ້ການແລກປ່ຽນການຄ້າສອງຝ່າຍ, ໝູນໃຊ້ສັນຍາການຄ້າເສລີຫວຽດນາມ-ອີຢູ (EVFTA) ຢ່າງມີປະສິດທິຜົນ; ສະເໜີໃຫ້ຝ່າຍອີຕາລີ ແບ່ງປັນບົດຮຽນປະສົບການໃນການພັດທະນາຂະແໜງການປະດິດສ້າງ, ອຸດສາຫະກຳສໍາຮອງ ແລະຂະແໜງການຜະລິດອັດສະລິຍະ; ຜັນຂະຫຍາຍໂຄງການໜູນຊ່ວຍການພັດທະນາຜູ້ສະໜອງ; ນໍາວິສາຫະກິດຫວຽດນາມ ເຂົ້າຮ່ວມໃນຕ່ອງໂສ້ມູນຄ່າຂອງວິສາຫະກິດອີຕາລີ ເລິກເຊິ່ງກວ່າ.

ສ່ວນທ່ານ Adolfo Urso ປາດຖະໜາຢາກໃຫ້ວິສາຫະກິດຫວຽດນາມ ລົງທຶນຢູ່ອີຕາລີ ໃຫ້ຫຼາຍກວ່າອີກ; ເນັ້ນໜັກວ່າ ບັນດາວິສາຫະກິດອີຕາລີ ຕີລາຄາສູງສະພາບແວດລ້ອມແຫ່ງການລົງທຶນ ແລະ ດຳເນີນທຸລະກິດ ຢູ່ຫວຽດນາມ.

leftcenterrightdel
ທ່ານ ຫງວຽນຈີ໋ຢູງ ຮອງນາຍົກລັດຖະມົນຕີ ເຮັດວຽກກັບກຸ່ມບໍລິສັດ Leonardo. ພາບ: baochinhphu.vn

ໃນຂອບເຂດການຢ້ຽມຢາມ, ທ່ານ ຫງວຽນຈີ໋ຢູງ ຮອງນາຍົກລັດຖະມົນຕີ ໄດ້ມີການເຮັດວຽກກັບກຸ່ມບໍລິສັດ Leonardo, ເຊິ່ງແມ່ນກຸ່ມບໍລິສັດ ການບິນອະວະກາດ ແລະອຸດສາຫະກໍາປ້ອງກັນຊາດແຖວໜ້າຂອງເອີລົບ;  ພົບປະກັບພະນັກງານ, ພາລະກອນຂອງສະຖານທູດຫວຽດນາມ ປະຈຳ ອີຕາລີ.

ໂດຍ: ທູຈາງ