ເປີດຕົວເຄືອຂ່າຍນັກຊ່ຽວຊານດ້ານຂໍ້ມູນທົ່ວໂລກ

ເຄືອຂ່າຍນັກຊ່ຽວຊານດ້ານຂໍ້ມູນຫວຽດນາມ (Vietnam Data Expert Network – VDEN) ໄດ້ເປີດຕົວຢ່າງເປັນທາງການຫວ່າງແລ້ວນີ້ຢູ່ນະຄອນເຫ້ວ. ນີ້ແມ່ນຂໍ້ລິເລີ່ມຂອງສະມາຄົມຂໍ້ມູນແຫ່ງຊາດລິເລີ່ມເພື່ອເຕົ້າໂຮມນັກຊ່ຽວຊານຫວຽດນາມ ຢູ່ພາຍໃນ ແລະຕ່າງປະເທດ, ປະກອບສ່ວນພັດທະນາເສດຖະກິດຂໍ້ມູນແຫ່ງຊາດ.

ທ່ານພົນຈັດຕະວາ  ຫງວຽນງອັກເກືອງ, ຜູ້ອຳນວຍການສູນຂໍ້ມູນແຫ່ງຊາດ, ຮອງປະທານສະມາຄົມຂໍ້ມູນແຫ່ງຊາດ. ພາບ: vov.vn

ເຄືອຂ່າຍຕັ້ງເປົ້າໝາຍລະດົມແຫຼ່ງກຳລັງປັນຍາຊົນຊາວຫວຽດນາມ ທົ່ວໂລກໃນຂົງເຂດຂໍ້ມູນ, ພ້ອມທັງໜູນຊ່ວຍວິວັດການກໍ່ສ້າງລັດຖະບານດີຈີຕອນ, ສັງຄົມດີຈີຕອນ ແລະພື້ນຖານເສດຖະກິດຂໍ້ມູນເປັນເຈົ້າຕົນເອງ, ມີຫົວຄິດປະດິດສ້າງ ແລະຍືນຍົງ.

ເຄືອຂ່າຍຈະສວມບົດບາດແມ່ນເວທີປາໄສ, ໜູນຊ່ວຍການພັດທະນານະໂຍບາຍ, ເຊື່ອມໂຍງຊັບພະຍາກອນພາຍໃນ ແລະຕ່າງປະເທດ, ພ້ອມທັງຊຸກຍູ້ການບຳລຸງສ້າງຊັບພະຍາກອນມະນຸດດ້ານຂໍ້ມູນຄຸນນະພາບສູງຢູ່ຫວຽດນາມ.

ເປີດຕົວເຄືອຂ່າຍນັກຊ່ຽວຊານຂໍ້ມູນຂ່າວສານທົ່ວໂລກ. ພາບ: vov.vn

ທ່ານພົນຈັດຕະວາ ຫງວຽນງອັກເກືອງ, ຜູ້ອຳນວຍການສູນຂໍ້ມູນແຫ່ງຊາດ ແລະຮອງປະທານສະມາຄົມຂໍ້ມູນແຫ່ງຊາດ ໃຫ້ຮູ້ວ່າ: “ເຄືອຂ່າຍໄດ້ເຕົ້າໂຮມບັນດານັກຊ່ຽວຊານດີເດັ່ນເກືອບ 80 ຄົນຂອງອາເມລິກາ, ສ.ເກົາຫຼີ, ຍີ່ປຸ່ນ, ເອີຣົບ, ການາດາ ແລະອົດສະຕາລີ.

ເປີດຕົວຄະນະການນໍາເຄືອຂ່າຍນັກຊ່ຽວຊານດ້ານຂໍ້ມູນທົ່ວໂລກ. ພາບ: vov.vn

ນີ້ແມ່ນຄົນທີ່ພວມເຮັດວຽກຢູ່ບັນດາກຸ່ມບໍລິສັດເຕັກໂນໂລຊີແຖວໜ້າໂລກ,  ບັນດາສະຖາບັນຄົ້ນຄວ້າທີ່ມີອິດທິພົນຊື່ສຽງ, ມະຫາວິທະຍາໄລທີ່ມີຊື່ສຽງ, ມີປະສົບການຫຼາຍປີໃນຂົງເຂດວິທະຍາສາດຂໍ້ມູນ, ປັນຍາປະດິດ, ຄວາມໝັ້ນຄົງທາງອິນເຕີແນັດ,... ນັກຊ່ຽວຊານຫຼາຍຄົນມີຕຳແໜ່ງສຳຄັນຢູ່ບັນດາບໍລິສັດໃຫຍ່ແຕ່ຍັງເຕັມໃຈໃຊ້ເວລາ ແລະອອກເຫື່ອແຮງເພື່ອປະກອບສ່ວນໃຫ້ຫວຽດນາມ”.

ການສ້າງຕັ້ງເຄືອຂ່າຍນັກຊ່ຽວຊານດ້ານຂໍ້ມູນທົ່ວໂລກຖືວ່າເປັນບາດກ້າວຍຸດທະສາດ, ສອດຄ່ອງກັບການກຳນົດທິດຂອງຫວຽດນາມ ໃນການພັດທະນາເສດຖະກິດດີຈີຕອນ ແລະການຫັນເປັນດີຈີຕອນ.

ໂດຍ: ໄຊນີດາ