ທີ່ການເຮັດວຽກ, ທ່ານ ຫງວຽນວັນເກື່ອງ ຮອງຫົວໜ້າອົງການກວດກາລັດຖະບານ ໄດ້ຢືນຢັນວ່າ, ພັກ, ລັດ ແລະປະຊາຊົນຫວຽດນາມ ປາດຖະໜາຢາກພ້ອມກັບພັກ, ລັດ ແລະປະຊາຊົນລາວ ຮັກສາ, ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບຢູ່ພາກພື້ນ ແລະໃນໂລກ.

ນັບແຕ່ປີ 1995 ມາຮອດປະຈຸບັນ, ສອງອົງການ ຍາມໃດກໍ່ຮັກສາການແລກປ່ຽນຄະນະຜູ້ແທນຂັ້ນສູງ ເພື່ອແນໃສ່ແລກປ່ຽນປະສົບການໃນວຽກງານກວດກາ, ແກ້ໄຂຄຳຮ້ອງທຸກ, ກ່າວໂທດ, ຕ້ານ ແລະສະກັດກັ້ນການສໍ້ລາດບັງຫຼວງ, ປະກອບສ່ວນສຳຄັນເຂົ້າໃນການປະຕິບັດສໍາເລັດໜ້າທີ່ການເມືອງຂອງຂະແໜງກວດກາສອງປະເທດ ເວົ້າສະເພາະ ແລະສ້າງສາຍພົວພັນຮ່ວມມືມິດຕະພາບອັນດີງາມລະຫວ່າງສອງປະເທດ ຫວຽດນາມ ແລະ ລາວ ເວົ້າລວມ.

leftcenterrightdel
ບັນຍາກາດທີ່ການເຮັດວຽກ. ພາບ: ຮຸຍເຈິ່ນ

ຕາມທ່ານຮອງຫົວໜ້າອົງການກວດກາລັດຖະບານຫວຽດນາມ ແລ້ວ, ສອງຝ່າຍໄດ້ລົງນາມບົດບັນທຶກຊ່ວຍຈໍາ ວ່າດ້ວຍການຮ່ວມມື ໃນປີ 1998, 2005, 2007, 2012, 2016 ແລະ 2022, ຜ່ານນັ້ນກໍານົດທິດໃຫ້ການເຄື່ອນໄຫວຮ່ວມມືດ້ານກວດກາ, ແກ້ໄຂຄຳຮ້ອງທຸກ, ກ່າວໂທດ, ຕ້ານ ແລະສະກັດກັ້ນການສໍ້ລາດບັງຫຼວງລະຫວ່າງສອງຂະແໜງກວດກາຂອງສອງປະເທດ.

ໃນນັ້ນ, ລວມມີການເຄື່ອນໄຫວແລກປ່ຽນຄະນະຜູ້ແທນປະຈຳປີ ເພື່ອແລກປ່ຽນ, ແບ່ງປັນຂໍ້ມູນຂ່າວສານ, ປະສົບການດ້ານວິຊາການ ແລະຈັດຕັ້ງຊຸດຝຶກອົບຮົມ, ແລກປ່ຽນວິຊາສະເພາະໃຫ້ແກ່ພະນັກງານອົງການກວດກາແຫ່ງລັດລາວ ຢູ່ຫວຽດນາມ.

ທີ່ການຕ້ອນຮັບ, ທ່ານ ວັນຄຳ ໄຊວົງສັກ ໄດ້ຂອບໃຈທ່ານຮອງຫົວໜ້າອົງການກວດການລັດຖະບານຫວຽດນາມ ແລະອົງການກວດກາລັດຖະບານຫວຽດນາມ ທີ່ໄດ້ໃຫ້ການຕ້ອນຮັບຢ່າງອົບອຸ່ນ. ທ່ານ ວັນຄຳ ໄຊວົງສັກ ຫວັງວ່າ ໃນຊຸມມື້ຈະມາເຖິງ ຈະສືບຕໍ່ແລກປ່ຽນບັນດາບັນຫາວິຊາສະເພາະກ່ຽວກັບການກວດກາ ແລະສະພາບຕົວຈິງຂອງວຽກງານກວດກາ ຢູ່ຫວຽດນາມ.

ໂດຍ: ຈາງຫງວຽນ