ບັນດາຜູ້ແທນ ແລະນັກສຶກສາຕ່າງປະເທດ ໄດ້ພ້ອມກັນຫວນຄືນປະຫວັດແຫ່ງການຕໍ່ສູ້ອັນພິລະອາດຫານກ່ອນນີ້ 49 ປີຂອງປະຊາຊົນລາວບັນດາເຜົ່າ, ການສ້າງຕັ້ງປະເທດ ສປປ ລາວ ດ້ວຍບົດບາດອັນຍິ່ງໃຫຍ່ຂອງປະທານ ໄກສອນ ພົມວິຫານ ກໍ່ຄືສາຍພົວພັນອັນສະໜິດສະໜົມ ແລະພິເສດລະຫວ່າງສອງຊາດ, ສອງປະເທດ ຫວຽດນາມ - ລາວ ເຊິ່ງປະທານ ໄກສອນ ພົມວິຫານ ແລະປະທານ ໂຮ່ຈີມິນ ໄດ້ເພີ່ມພູນຄູນສ້າງ.

leftcenterrightdel
ລາຍການສິລະປະຊົມເຊີຍວັນຊາດ ສປປ ລາວ. ພາບ: baosonla.vn

ປະຈຸບັນ, ມະຫາວິທະຍາໄລ ໄຕບັກ ມີນັກສຶກສາລາວ 359 ຄົນທີ່ພວມຮໍ່າຮຽນຢູ່ໂຮງຮຽນ. ໂຮງຮຽນຍາມໃດກໍ່ສ້າງເງື່ອນໄຂດີທີ່ສຸດໃຫ້ແກ່ນັກສຶກສາລາວ ໃນການສຶກສາຮໍ່າຮຽນດ້ວຍຄວາມອຸ່ນອ່ຽນໃຈ ແລະມານະພະຍາຍາມຝຶກຝົນຫຼໍ່ຫຼອມ, ຮັບເອົາຄວາມຮູ້ຢ່າງບໍ່ຢຸດຢັ້ງເພື່ອກາຍເປັນພົນລະເມືອງທີ່ດີ ແລະເປັນຊັບພະຍາກອນມະນຸດທີ່ມີຄຸນນະພາບສູງຂອງ ສປປ ລາວ. ພ້ອມກັນນັ້ນ, ໂຮງຮຽນຍັງໄດ້ຈັດຕັ້ງການເຄື່ອນໄຫວສິລະປະ, ກິລາ, ການພົບປະແລກປ່ຽນວັດທະນະທຳຢ່າງເປັນປະຈຳ ເພື່ອສະເຫຼີມສະຫຼອງວັນຊາດ ສປປ ລາວ.

ເນື່ອງໃນໂອກາດນີ້, ມະຫາວິທະຍາໄລ ໄຕບັກ ໄດ້ມອບໃບຍ້ອງຍໍໃຫ້ນັກສຶກສາລາວ 7 ຄົນທີ່ມີຜົນງານດີເດັ່ນໃນສົກຮຽນ 2023-2024; ພະແນກພົວພັນຕ່າງປະເທດ, ຄະນະຕິດຕໍ່ທະຫານອາສາສະໝັກ ແລະນັກຊ່ຽວຊານການທະຫານຫວຽດນາມ ຢູ່ລາວ ແຂວງເຊີນລາ ໄດ້ມອບຂອງຂວັນໃຫ້ບັນດານັກສຶກສາລາວ ທີ່ພວມຮ່ຳຮຽນຢູ່ໂຮງຮຽນ.

ໂດຍ: ຈາງຫງວຽນ