ຫວຽດນາມ ແມ່ນສະຖານທີ່ທ່ອງທ່ຽວ “ມີໜຶ່ງບໍ່ມີສອງ” ທີ່ດຶງດູດນັກທ່ອງທ່ຽວອິນເດຍ

ໜັງສືພິມ Economictimes ຂອງອິນເດຍ ໃຫ້ຮູ້ວ່າ: ຫວຽດນາມ ແມ່ນສະຖານທີ່ທ່ອງທ່ຽວ “ມີໜຶ່ງບໍ່ມີສອງທີ່ດຶງດູດຄວາມສົນໃຈຂອງຊາວອິນເດຍ.

ບັນດາບໍລິສັດທ່ອງທ່ຽວ ແລະບໍລິສັດຂົນສົ່ງພວມຊອກຫາວິທີສະໜອງບໍລິການຫຼາຍກວ່າເພື່ອເພີ່ມຄວາມສາມາດຕື່ມອີກ.

ນັກທ່ອງທ່ຽວອິນເດຍ ຢ້ຽມຢາມກຸງເກົ່າເຫວ້. ພາບ: ເຝືອງແອງ

ທ່ານ Rajeev Kale, ເຈົ້າໜ້າທີ່ກຸ່ມບໍລິສັດ Thomas Cook (ສາຂາອິນເດຍ), ຖືວ່າ: ຈຳນວນນັກທ່ອງທ່ຽວຈາກອິນເດຍ ມາ ຫວຽດນາມ ເພີ່ມຂຶ້ນເຖິງ 500%, ບາງເທື່ອຍ້ອນການເຊື່ອມຕໍ່ຖ້ຽວບິນໄດ້ຮັບການປັບປຸງ ແລະການເດີນທາງສະດວກກວ່າຍ້ອນວີຊາເອເລັກໂຕນິກ ແລະມີການໂຄສະນາສື່ສານສັງຄົມ. ເປັນໜ້າເອົາໃຈໃສ່ແມ່ນຫວຽດນາມ ດຶງດູດນັກທ່ອງທ່ຽວຫຼາຍກຸ່ມຄືຄອບຄົວ, ລວມມີຫຼາຍລຸ້ນຄົນ ແລະຜູ້ເຖົ້າຜູ້ແກ່, ຄູ່ຮັກ ແລະກຸ່ມໝູ່ເພື່ອນ....

ທ່ານ Raj Rishi Singh, ຜູ້ອຳນວຍການດ້ານການຕະຫຼາດທັງເປັນຜູ້ອຳນວຍການດຳເນີນທຸລະກິດຂອງບໍລິສັດ MakeMyTrip ໃຫ້ຮູ້ວ່າ ໃນປີຜ່ານມາ, ນັກທ່ອງທ່ຽວອິນເດຍ ໄປຫວຽດນາມ ໄດ້ເພີ່ມຂຶ້ນ 17%. ຕາມທ່ານແລ້ວ, ຄ່າໃຊ້ຈ່າຍຢູ່ຫວຽດນາມ, ການຍົກເວັ້ນວີຊາ ແລະຈຳນວນຖ້ຽວບິນໂດຍກົງຈາກອິນເດຍ ເພີ່ມຂຶ້ນພວມຍູ້ແຮງການເຕີບໂຕປະລິມານນັກທ່ອງທ່ຽວອິນເດຍ ເຖິງ ຫວຽດນາມ.

ທ່ານ SD Nandakumar ປະທານບໍລິສັດທ່ອງທ່ຽວ SOTC Travel ເນັ້ນໜັກວ່າ ຫວຽດນາມ ແມ່ນສະຖານທີ່ທ່ອງທ່ຽວແຫ່ງວັດທະນະທຳ, ປະຫວັດສາດ, ອາຫານ, ທິວທັດທໍາມະຊາດທີ່ສວຍງາມ ແລະນຳມາເຊິ່ງບໍລິການຊື້ເຄື່ອງໃຫ້ນັກທ່ອງທ່ຽວອິນເດຍ.

ໂດຍ: ດັ້ງເກື່ອງ