ມູນຄ່າສົ່ງອອກສິນໃນນ້ຳກັບຄືນສູ່ລະດັບ 1 ຕື້ໂດລາສະຫະລັດ/ເດືອນພາຍຫຼັງ 2 ປີ
ຕາມຂໍ້ມູນມາຈາກສະມາຄົມປຸງແຕ່ງ ແລະສົ່ງອອກສິນໃນນ້ຳຫວຽດນາມ (Vasep) ແລ້ວ, ການສົ່ງອອກສິນໃນນ້ຳໃນທົ່ວປະເທດໃນເດືອນຕຸລາ ຄາດວ່າບັນລຸກ່ວາ 1 ຕື້ໂດລາສະຫະລັດ, ເພີ່ມຂຶ້ນ 28% ເມື່ອທຽບໃສ່ກັບໄລຍະດຽວກັນຂອງປີ 2023.
ນີ້ແມ່ນຄັ້ງທຳອິດພາຍຫຼັງ 2 ປີ (ແຕ່ເດືອນມິຖຸນາ 2022), ມູນຄ່າການສົ່ງອອກສິນໃນນ້ຳໄດ້ກັບຄືນສູ່ລະດັບ 1 ຕື້ໂດລາສະຫະລັດ/ເດືອນ. ຕາມການສະສົມໃນເດືອນຕຸລາປີ 2024, ການສົ່ງອອກສິນໃນນ້ຳບັນລຸເງິນເປັນຈຳນວນ 8,27 ຕື້ໂດລາສະຫະລັດ, ເພີ່ມຂຶ້ນ 11,4%ເມື່ອທຽບໃສ່ໄລຍະດຽວກັນຂອງປີ 2023.
ທ່ານນາງ ເລຮັ່ງ, ຜູ້ອຳນວຍການຝ່າຍໂຄສະນາສື່ສານ Vasep ໃຫ້ຮູ້ວ່າ ໃນສະພາບການບັນດາຕະຫຼາດຫຼັກແຫຼ່ງພວມເພີ່ມທະວີຄວາມຕ້ອງການໃນການນຳຂົ້າສິນໃນນ້ຳຢ່າງແຮງ, ການສົ່ງອອກຂອງຫວຽດນາມ ໄດ້ບັນລຸລະດັບການເຕີບໂຕທີ່ເປັນໜ້າປະທັບໃຈໃນເດືອນຕຸລາ. ພິເສດ, ການສົ່ງອອກໄປຍັງ ຈີນ (ນັບທັງຮົ່ງກົງ) ກໍ່ມີການພັດທະນາຢ່າງແຮງດ້ວຍລະດັບເພີ່ມຂຶ້ນ 37% ໂດຍຢັ້ງຢືນຖານະບົດບາດແມ່ນຕະຫຼາດໃຫຍ່ທີ່ສຸດ ແລະມີອັດຕາເຕີບໂຕໄວທີ່ສຸດໃນເດືອນ. ບັນດາຕະຫຼາດອື່ນກໍ່ມີການເຕີບໂຕເປັນຢ່າງດີຄື: ການສົ່ງອອກໄປຍັງ ອາເມລິກາ ເພີ່ມຂຶ້ນ 31%, ຍີ່ປຸ່ນເພີ່ມຂຶ້ນ 22%, ສະຫະພາບເອີລົບ (EU) ເພີ່ມຂຶ້ນ 27%, ສ.ເກົາຫຼີ ເພີ່ມຂຶ້ນ 13%.
ຂ່າວ: ວິທະຍຸກະຈາຍສຽງຫວຽດນາມ